JOHAN 1:7 - Lai (Hakha) Common Language Bible 2006

⁷ Johan nih cun mi kha ceunak kong cu a chimh hna. Mi vialte nih cu kong cu an theih i an zumh nakhnga annih chimh awk i a rat cu a si.

Laibaibal Thiang (BSI)

⁷ Cupa cu hngalhpitu ah a ra, ceunâk bia cu hngalhpitu le, amah thawngin mi vialte nih an zumh nâkhnga.

JOHAN 1:7 Iomraidhean Croise

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

JOHAN 1:12

Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

JOHAN 1:15

Johan nih amah kong cu a rak chim i, “ ‘Amah cu ka hnu in a rami a si, sihmanhsehlaw ka chuah hlan in a rak um cangmi a si caah keimah nakin a ngan deuh,’ tiah ka rak in chimhmi hna kha amah hi a si,” tiah a au.

JOHAN 1:19

Jerusalem khua Judah upa hna nih tlangbawi hna le Levi mi hna cu Johan sinah khan an hei thlah hna i, “Ahodah na si?” tiah an va hal.

JOHAN 1:36

Johan nih cun a hei zoh i, “Pathian Tuufa khi zohhmanh u,” tiah a ti.

JOHAN 1:9

Ceunak taktak cu vawlei cungah a ra i mi vialte a ceuhtu ceunak kha a si.

LAMKALTU 19:4

Cun Paul nih cun a thawh hna i, “Johan tipilnak cu lungthlen hmelchunhnak caah a si, asinain Johan nih khan, ‘Ka hnu in a ra liomi hi nan zumh awk cu a si,’ tiah a ti zungzal hna i cu a hnu in a rami cu Jesuh hi a si,” tiah a ti hna.

GALATI 3:26

Khrih Jesuh pehtlaihnak thawngin Pathian fa nan dihlak in nan si cu zumhnak thawngin a si.

EFESA 3:9

Pathian nih a thli tein khua a rak khanmi ah khan zeitindah rian a ṭuan ti kha, mi vialte hngalhternak rian cu Pathian nih a ka fial. Zeizong vialte Sertu Pathian nih cun kan hnulei chan chung vialte kha a biathli cu a rak thuh,

TITAS 2:11

Zeicahtiah Pathian nih a vel cu mi vialte khamhnak caah a phuan cang.

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.