JOHAN 1:51 - Lai (Hakha) Common Language Bible 2006

⁵¹ Cun annih cu a thawh hna i, “Hi biatak hi kan chimh hna: Van kha aa hun i Pathian vancungmi hna cu Mi Fapa cung i an ṭum le an kai kha nan hmuh lai,” tiah a ti.

Laibaibal Thiang (BSI)

⁵¹ Anih nih, “Biataktein, biataktein kan chimh, hi hnu ah, â ong mi vanah, Pathian vanmi Mi Fapa cung i an ṭum an kai kha nan hmuh te lai,” tiah a ti.

JOHAN 1:51 Iomraidhean Croise

GENESIS 28:12

Mang a manh i a mang ah cun hlei pakhat a hmuh i cu hlei cu vawlei in van tiang a phan i cu hlei ah cun Pathian vancungmi kha an kai i an ṭum lengmang.

EZEKIEL 1:1

Kum sawm thum kum, thla linak thla, ni nga ni ah cun, saltangmi hna sinah Khebar tiva pawngah khan ka um i van kha aa hung i Pathian langhnak kha ka hmuh hna.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

MATTHAI 3:16

Tipilnak a in dih cangka cun Jesuh cu ti chung cun a chuak. Van kha aa hung i Pathian Thlarau cu ṭhuro bantukin a rung zuan i a cung i aa fut kha a hmuh.

MATTHAI 4:11

Cun Khuachia nih cun a kaltak i vancungmi kha an ra i an rung hramh.

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

MATTHAI 9:6

Mi Fapa nih vawlei cungah hin sual ngaihthiam khawhnak a ngei ti kha kan hngalhter hna lai,” a ti i cucaah mizengpa cu, “Tho law, na ihkhun kha i put law inn ah va ṭin,” tiah a ti.

MARKA 1:10

Ti chungin a hung thawh dih kate ah khan, van kha aa cheu i Thlarau cu ṭhuro bantukin a cung i a run i fut kha Jesuh nih cun a hmuh.

MARKA 14:62

Jesuh nih, “Ka si. Cun Mi Fapa cu A Liannganmi Pathian orhlei kamah ka ṭhut i vancung khuadawm he ka rat kha na ka hmuh te lai,” tiah a ti.

LUKA 2:13

Cu cangka cun vancung ralkapbu nganpi cu vancungmi sinah khan an rung lang i Pathian kha hla in an thangṭhat:

LUKA 2:9

Bawipa vancungmi cu an sinah a lang i Bawipa sunparnak cu an velchum in a ceu. Annih cu an thin a phang tuk hringhran,

LUKA 22:43

Vancung in vancungmi pakhat a sinah a rung lang i a rung hnemh.

LUKA 22:69

Sihmanhsehlaw atu hin cun Mi Fapa hi Lianngan Bik Pathian orhlei kamah ṭhutter ka si cang lai,” tiah a ti.

LUKA 24:4

Cuka ah cun a zei ti ruah awk hngal loin an dir ko i cu lioah cun chikkhatte ah khin puan rang aa aihmi mi pahnih an pawngah cun an rung dir.

LUKA 3:21

Mi dang vialte kha tipil a pek dih hna in Jesuh zong kha tipil cu a pek ve. Thla a cam lioah khan van cu aa hung i

JOHAN 1:50

Jesuh nih cun, “Theipi kung tang i na um lio kha kan hmuh, ka ti caah cun maw na zumh? Hi nakin a ngan deuh ngaingaimi thil na hmuh len hna lai,” tiah a ti.

JOHAN 10:1

“Biatak kan chimh hna: tuukawm chungah innka in a lut lo i kaa dang in a kaimi cu mifir le damiah an si.

JOHAN 10:7

Cucaah Jesuh nih annih cu a thawh ṭhan hna i, “Biatak kan chimh hna: Tuu luhnak kutka cu keimah hi ka si.

JOHAN 13:16

Biatak kan chimh hna: sal cu a bawipa nakin a ngan deuh bal lo; fialmi zong a fialtu nakin a ngan deuh bal lo.

JOHAN 13:38

Jesuh nih cun, “Ka caah thih cu na ngamh ngai hnga maw? Biatak kan chimh: ar a khuan hlanah voi thum, amah cu ka hngal lo, na ka ti lai,” tiah a leh.

JOHAN 14:12

Biatak kan chimh hna: Keimah a ka zummi paoh nih ka tuahmi thil hi an tuah khawh ve lai — hi hna nakin a ngan deuhmi hmanh an tuah khawh hna lai, zeicah ti ahcun, ka Pa sinah ka kal lai caah a si.

JOHAN 16:20

Biatak kan chimh hna: nannih cu nan ṭap nan ai len lai, sihmanhsehlaw vawlei cu aa lawm lai; nan ngaih a chia lai, sihmanhsehlaw nan ngaihchiatnak cu lunglawmhnak ah a cang te lai.

JOHAN 16:23

“Cu ni a phak tikah cun keimah cu zeihmanh nan ka hal lai lo. Biatak kan chimh hna: Ka Pa nih ka min in nan halmi paoh cu an pek hna lai.

JOHAN 21:18

Biatak kan chimh: na no lioah cun nangmah nih na taisawm kha naa sawmh i na duhnak paoh ah na kal tawn; sihmanhsehlaw na tar tikah cun na kut na zao hna lai i midang nih na kut cu an ṭem hna lai i na duh lonak hmun ah khan an in kalpi lai,” tiah a ti.

JOHAN 3:3

Jesuh nih cun, “Biatak tein kan chimh: Ahohmanh hrin ṭhan a si lo ahcun Pathian Pennak kha a hmu kho lai lo,” tiah a leh.

JOHAN 3:5

Jesuh nih cun, “Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo.

JOHAN 5:19

Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna.

JOHAN 5:27

Cun a Fapa kha Mi Fapa ka si caah biaceihnak nawl kha a ka pek.

JOHAN 6:26

Jesuh nih cun, “Biatak kan chimh hna: nan ka kawl hi ṭhawnnak in ka tuahmi thil nan hngalh caah khan a si lo; nan duh zat in changreu nan ei caah khan a si ko.

JOHAN 6:32

Jesuh nih cun, “Biatak kan chimh hna: Moses nih a rak in pekmi hna kha cu vancung changreu kha a si lo, vancung changreu taktak an petu hna cu ka Pa hi a si.

JOHAN 6:47

Biangai kan chimh hna: a zummi cu zungzal nunnak an ngei.

JOHAN 6:53

Jesuh nih khan annih cu, “Biatak kan chimh hna: Mi Fapa ka sa hi nan ei lo i ka thi hi nan din lo ahcun nan chungah nunnak nan ngei kho lai lo.

JOHAN 8:34

Jesuh nih cun a thawh hna i, “Biatak kan chimh hna: a sualmi paoh cu sualnak sal an si.

JOHAN 8:51

Biatak kan chimh hna: Ka bia a zulmi cu zeitikhmanh ah an thi lai lo,” tiah a leh hna.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.

LAMKALTU 10:11

Van kha aa hung i puan he aa lomi thil a ki ki li in vawlei i an run thlakmi kha a hmuh.

LAMKALTU 7:56

Aa thawh i, “Zohhmanh u, vancung aa hun i Pathian orhlei kamah Mi Fapa a dir kha ka hmuh,” tiah a ti.

2 THESALON 1:7

sifah a ingmi nan cung le kanmah cung zongah damnak a tlunter lai. Bawipa Jesuh nih a vancungmi miṭhawng hna le

2 THESALON 1:9

Bawipa cu a mi hna lakah sunparnak hmuh awkah a rat i a zummi vialte nih an hlorh ni, cu Ni lianngan ah cun, annih cu zungzal rawhralnak dantatnak kha an huah lai, Bawipa hmaika khan dawi an si lai i a liannganmi a ṭhawnnak kha an hmu lai lo. Sihmanhsehlaw nannih cu kan in chimhmi hna bia kha nan zumh caah sunparnak a pe i a hlorhtu hna lakah cun nan i tel ve lai.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

JUDAS 1:14

Cun Adam thawk in vun rel i paruknak a simi Enok nih khan hi hna kong cu hlanpi ah hitin a rak chim,

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

BIAPHUAN 4:1

Hi dih hin langhnak a dang pakhat ka hmuh ṭhan i vancung ah khin innka pakhat aa hungmi kha ka hmuh. Cun hlan deuh ah ka rak theihmi aw, muko aw bantuk a simi kha, a hung thang i, “Hika ah hin hung kai law, hi dih hin zeidah a um lai ti kha kan hmuhsak lai,” a ti.