JOHAN 1:38 - Lai (Hakha) Common Language Bible 2006

³⁸ Jesuh cu a hnulei ah a hun i mer i an zulh kha a hmuh hna tikah, “Zeidah nan kawl?” tiah a hal hna. Annih nih, “Rabbi, khuazei ah dah na um?” tiah an leh. (Rabbi a sullam cu cawnpiaktu saya tinak a si).

Laibaibal Thiang (BSI)

³⁸ Jesuh nih amah an zulh ti kha a hmuh, â mer i an sinah, “Zeidah nan kawl,? tiah a ti. Annih nih, “Rabbi (cucu Cawnpiaktu tinâk a si ) khuazeiahdah na um?” tiah an ti.

JOHAN 1:38 Iomraidhean Croise

1 SIANGPAHRANG 10:8

Na nupi hna hi an van a va ṭha dah! Hi na sinum hna nangmah hmaiah a dir zungzal i na fimnak a theimi hna hi an van a va ṭha dah!

SALM 27:4

Bawipa cu thil pakhat ka hal, ka duhmi thil cu pakhat lawnglawng a si ko; cucu ka nun chung vialte Bawipa inn chung i um le a ṭhatnak kha khuaruahhar in zoh le amah kha lam ka hruai tuah tiin hal cu a si.

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

PHUNGTHLÛKBIA 3:18

Amah aa tlaihmi hna caah cun nunnak thingkung a si i amah kha fek tein aa tlaihmi cu him tein an um.

PHUNGTHLÛKBIA 8:34

Ka bia kha a ngai i ka kutka ah nifa a um i ka innka pawngin a ka hngakmi cu milunglawm an si.

ṬAHNAK HLA 5:19

Maw Bawipa, nangmah cu zungzal in bawi na si ko, Na bawi ṭhutdan cu chan khat hnu chan khat a hmun.

LUKA 10:39

Nau pakhat a ngei i a min cu Mary a si. Mary cu Bawipa ke hram ah cun a ṭhu i a cawnpiaknak kha a ngai.

LUKA 14:25

Jesuh sinah cun mi tampi an kal ve. Aa mer i a thawh hna i

LUKA 15:20

Cucaah a tho i a pa sinlei kir ah cun aa thawh. “Lamhlatpi i a rat lio kha a pa nih cun a rak hmuh; a zaang a fak ngaingai i a hei tlikhnawh i a kuh i a hnamh.

LUKA 19:5

Cuka hmun cu a phak tikah Jesuh nih cun cunglei kha a hun zoh i Zakia cu, “Zakia, khulrang in rung ṭum, na inn ah kan tlung lai,” tiah a ti.

LUKA 22:61

Bawipa cu a hun i mer i Peter kha a hei zoh i Peter nih cun Bawipa nih, “Tuzan ah ar a khuan hlanah, amah cu ka hngal lo, tiah voi thum tiang naa pheh lai,” a timi kha a lung ah a hung pem.

LUKA 8:38

Khuachia nih an chuahtak cang mipa nih khan Jesuh cu a nawl i, “Na sinah kal ve ko ning,” a ti. Sihmanhsehlaw Jesuh nih a donh i,

JOHAN 1:37

Cu bia a chim cu a zultu pahnih nih khan an theih i Jesuh cu an zulh.

JOHAN 1:39

“Ra u law ra zoh tuah ngat u,” tiah a leh ve hna. Cucaah amah sinah khan an kal i a umnak cu an va hmuh, cu ni cu amah sinah cun an cam. (Cu caan cu zanlei suimilam pali hrawng khi a si).

JOHAN 1:49

Nathanael nih cun, “Saya, nangmah cu Pathian Fapa na si. Israel mi Siangpahrang na si,” tiah a ti.

JOHAN 12:21

Galilee peng Bethsaida khuami Filip sinah khan an ra i, “Bawipa, Jesuh hmuh kan duh,” an ti.

JOHAN 18:4

A cung i a tlung ding kha Jesuh nih cun a rak hngalh dih ko i cucaah cun hmailei ah a va chuak i, “Ahodah nan kawl?” tiah a ti hna.

JOHAN 18:7

Jesuh nih cun, “Ahodah nan kawl?” tiah a hal ṭhan hna. “Nazareth khuami Jesuh,” tiah an ti.

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

JOHAN 3:26

Cucaah Johan sinah khan an va kal i, “Saya, Jordan tiva ral i na sin i a rak ummi pa kha na hngalh a si lo mei? A kong nangmah nih na rak chimmi pa kha. Kha pa kha atu hi tipilnak a pe ve hna i mi kip nih an fuh,” tiah an chimh.

JOHAN 4:31

Cu lioah cun Jesuh kha a zultu hna nih khan, “Saya, rawl ei tuah,” tiah an rak fial.

JOHAN 6:25

Mi nih khan rili khattelei ral i Jesuh cu an va hmuh tikah, “Saya, zeitik ah dah hika hi na phak?” tiah an ti.

LAMKALTU 10:21

Cucaah Peter cu a vung ṭum i mi cu a thawh hna i, “Nan kawl lengmangmi cu keimah hi ka si. Zei herh ah dah nan rat?” tiah a ti hna.

LAMKALTU 10:29

Cucaah nan ka auh tikah zeihmanh alnak um lo tein ka ra ko. Cucaah zeicahdah nan ka auh ka chim tuah u,” tiah a ti hna.

RUTH 1:16

Sihmanhsehlaw Ruth nih, “Nangmah he i ṭhen awk le nangmah zul lo i kir ṭhan awkah ka lem len hlah; zeicahtiah na kalnak ah ka kal ve lai i na riahnak ah ka riak ve lai; na miphun cu ka miphun an si ve lai i na Pathian cu ka Pathian a si ve lai;