JOHAN 1:18 - Lai (Hakha) Common Language Bible 2006

¹⁸ Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

Laibaibal Thiang (BSI)

¹⁸ Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

JOHAN 1:18 Iomraidhean Croise

GENESIS 16:13

Hagar nih cun amah le amah kha, “A ka hmutu cu ka hmuh taktak ko maw?” tiah aa hal i cucaah Bawipa cu, “Nang cu mi a hmutu Pathian na si,” ti min in a auh.

GENESIS 18:33

Abraham he bia an i ruah dih cun, Bawipa cu a kal i Abraham zong cu inn ah a ṭin.

EXODUS 23:21

Amah chimmi kha ngai u law a chimmi kha zul u. Amah cu keimah min in rian a ṭuanmi a si caah rak doh hlah u; cu bantuk palhnak cu an ngaithiam kho hna lai lo.

EXODUS 24:10

Israel mi Pathian kha an hmuh. A ke toiah khin safaiar lungvar dum an phahmi ṭuang bantuk a um i cu ṭuang cu van bantuk khin a ceu.

PHUNGTHLÛKBIA 8:30

A pawngah khan rian thiam ngaimi bantukin ka rak um; keimah cu nifate in aa lawmhnak ka rak si i amah hmaiah khan kaa lawm zungzal.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

ṬAHNAK HLA 2:12

‘Khuazei ah dah rawl le mitsur hang kan hmuh khawh lai?’ tiah an au — Khuachung lam ah cun hliammi hna bantukin an ba, an nule ṭang chungah cun ha lengmang in an thaw an chuah.

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

LUKA 10:22

“Ka Pa nih zeizong vialte kha a ka pek cang: Pa nih dah ti lo nih cun ahohmanh nih Fapa kha ahodah a si, ti awk an hngal lo, Fapa le an sinah Fapa nih Pa a phuan duhmi hna dah ti lo nih cun Pa kha ahodah a si ti awk ahohmanh nih an hngal lo,” tiah a ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 12:41

Isaiah nih hi bia a rak chimmi cu Jesuh sunparnak kha a rak hmuh caah a si i amah kong cu a rak chimmi kha a si.

JOHAN 13:23

Zultu lak i pakhat, Jesuh nih a dawtmi kha, Jesuh chang ah cun a ṭhu i

JOHAN 14:9

Jesuh nih, “Nan sinah saupi ka um ko cang, asinain na ka hngal rih lo maw, Filip? Keimah a ka hmutu paoh nih cun ka Pa kha an hmuh ve ko, cucaah zeicahdah na Pa cu kan hmuhsak, na ka ti?

JOHAN 17:26

Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

JOHAN 17:6

“Hi vawlei chungin na kawh hna i na ka pekmi hna sinah hin, na min cu ka langhter cang; nangmah ta an si i annih cu nangmah nih keimah na ka pekmi an si. Na bia kha an ngaih i

JOHAN 3:11

Biatak tein kan chimh: kannih cu kan hngalhmi kha kan chim i kan hmuhmi kha tehte kan khan, sihmanhsehlaw kan chimmi cu ahohmanh nih cohlan nan duh lo.

JOHAN 6:46

Ka chim duhmi cu, Pathian a hmumi an um bal, ka ti duhnak a si lo. Pathian sinin a rung ṭum mi lawnglawng kha Pa a hmu balmi cu a si.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

DEUTERONOMI 4:12

Khi tikah Bawipa nih mei chung khan an chawnh hna; bia thawng cu nan theih, sihmanhsehlaw mui cu nan hmu lo; aw lawnglawng a si ko.

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

JOSHUA 5:13

Joshua cu Jeriko khua pawngah a um tikah a mit a hun hler i a hun zoh i, zohhmanh, a hmaiah mipa pakhat a vainam zuh cia in a dir; Joshua cu a sinah a va kal i amah cu, “Kanmah caah maw na si, kan ral hna caah dah na si?” tiah a ti.

1JOHAN 4:12

Ahohmanh nih Pathian an hmu bal lo; sihmanhsehlaw pakhat le pakhat kan i dawt ahcun Pathian cu kan chungah a um i kan chungah a dawtnak cu a tling.

1JOHAN 4:20

Mi zeimaw nih, “Pathian ka dawt,” a ti i a unau a huat ṭung ahcun, amah cu mi lihchim a si. Zeicahtiah a hmuhmi a unau hmanh a dawt khawh lo ahcun a hmuh lomi Pathian cu a daw kho lai lo.

1JOHAN 4:9

Pathian nih a kan dawtnak a langhterning cu hitihin a si: a Fapa ngeihchun kha vawlei ah hin a run thlah i amah thawngin nunnak kan ngei lai.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.