JOEL 3:9 - Lai (Hakha) Common Language Bible 2006

⁹ Hi thawngthanhnak hi miphun hna sinah khan va chim tuah u, Ral tuk awk caah i tim u, ralkap kha au hna u, Ralkap kha pum dih hna u law ra u; va ti hna u.

JOEL 3:9 Iomraidhean Croise

SALM 96:10

Miphun vialte kha, “Bawipa cu siangpahrang a si, Vawlei cu a umnak hmun ah hninh khawh loin fek tein a bunh, mi vialte kha dinnak in bia a ceih hna lai,” tiah chim hna u.

ISAIAH 34:1

Miphun vialte hna, ra tuah u. I pum u law ka bia ngai tuah u. Vawlei dihlak le a cung i a ummi vialte kha hika ah hin ra hna seh law ka bia cu ngai hna seh.

JEREMIAH 31:10

“Bawipa bia cu ngai tuah u, Maw miphun hna, Thanh u law rilikam ram le a hlatmi tikulh hna cu hngalhter hna u: ‘Israel cu a ṭhektu nih khan a pumh ṭhan lai i Tuukhal nih a tuurun a zohkhenh bangin a zohkhenh lai,’ tiah chim u.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

JEREMIAH 51:27

Ram chungah, ral tuk ah i thawh cang u, tinak hmelchunhnak alan kha thlai u, Miphun hna lakah muko kha tum tuah u, Miphun hna cu amah doh awkah tim hna u, Ararat, Minni le Ashkenaz ram hna cu amah doh awkah ko hna u; Amah dotu ah ralbawi ngan bik pakhat chia tuah, Khaubawk bupi zat in rang kha hunpi hna.

JEREMIAH 6:4

Amah doh awkah khan i tim u, Tho u law, chun ah tu u sih. A tlai tuk cang, ni aa mer cang i zanlei thladem hna cu an sau cang.

EZEKIEL 38:17

Hihi Bawipa Pathian bia a si. Hlan lioah ka profet hna kaa in bia ka chim tikah, Israel mi doh awkah ka kalpi lai, ka rak timi cu nangmah hi na si.

EZEKIEL 38:7

I ralring tuah, ṭha tein i tim tuah, nangmah le nangmah he i fonh awkah aa pummi cu i tim tuah u law ka rian ṭuan awkah timhcia in um tuah u.

MIKAH 3:5

Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a ṭhihtu hna profet hna nih an hlen cang hna. Hi profet hna kongah Bawipa nih a chimmi bia cu hihi a si:

HAGGAI 2:7

Cun miphun vialte cu ka hninh hna lai i an chawhlawn cu nan sinah an rak put lai i hi inn hi sunparnak in ka khahter lai, tiah ralkapbu Bawipa nih a ti.

ZEKHARIAH 14:2

Jerusalem doh awkah mi vialte kha ka pumh hna lai; khua cu an lak lai, inn cu an ramh hna lai i nu cu an tlaihhrem hna lai. Khuapi cheu hnih cheu khat cu saltannak chungah a kal lai, sihmanhsehlaw khua chung i a ummi, hi miphun chungin a tangmi hna cu, hloh an si lai lo.

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.