JOEL 3:8 - Lai (Hakha) Common Language Bible 2006

⁸ Nan fapa hna le nan fanu hna cu Judah ram mi hna sinah ka zuarh hna lai i annih nih lamhlatpi i a ummi Sabean mi hna sinah an zuarh chin hna lai, tiah Bawipa nih a ti.”

JOEL 3:8 Iomraidhean Croise

JOB 1:15

cun Seba mi hna nih an chuahhnawh hna i an lak hna i na sinum hna kha vainam in an thah hna; cun keimah lawnglawng hi nangmah chimtu dingah ka luat,” tiah a ti.

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

JEREMIAH 30:16

Asinain, an eitu vialte cu ei an si ve lai i An hremtu vialte hna cu sal ah an tang lai. Nangmah aan ramhtu cu ramh an si ve lai i nangmah aan hrawktu cu hrawh ka siter ve hna lai.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

EZEKIEL 23:42

Thanuam ngaiin a ummi hna cu an au an khuang; cu pin ah mi sawhsawh hna hleiah khan ramlak in an ratpimi hna Sabean mi kha an um ve; annih nih nu hna kut ah khan kutkhih an hruk hna i an lu ah khan pangpar ṭhi dawhdawh an khimh hna.

EZEKIEL 38:13

Sheba mi hna le Dedan mi hna le Tarshish chawdawr hna nih an in thawh lai i, ‘Hi mi hna ramh awk le an thil chuh awkah maw na ralkap hna cu na pumh hna i annih cu na tuk hna? An sui le ngun kha lak i an saṭil le thilri kha i kalpi hna maw naa timh?’ an in ti lai.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

BIACEIHTU 4:2

Cun Bawipa nih Kanaan siangpahrang Jabin, Hazor i siangpahrang a simi kut chungah khan a zuarh hna; a ralbawi cu Harosheth-Hagoiim i a ummi Sisera a si.

BIACEIHTU 4:9

Cun anih nih, “Kan kalpi hrimhrim lai; sihmanhsehlaw na kalnak lam nih hin nangmah sunparnak cu an phakpi lai lo, zeicahtiah Bawipa nih Sisera cu minu pakhat kut chungah a zuar lai,” tiah a ti. Cun Deborah cu a tho i Barak he Kedesh ah an kal.