JOEL 3:2 - Lai (Hakha) Common Language Bible 2006

² Miphun vialte cu ka pumh hna lai i Bawipa Biaceihnak Nelrawn timi ah ka kalpi hna lai. Khika ah ka mi hna cung i an tuahmi ruangah bia ka ceih hna lai. Israel mi cu ramdang ah an ṭhek dih hna i ka ram Israel cu an cheu dih.

JOEL 3:2 Iomraidhean Croise

2 CHANRELNAK 20:26

A ni linak ni ah Berakal Nelrawn ah an i pum i khika ah Bawipa kha an thangṭhat; cucaah cuka hmun min cu nihin tiangin Berakah Nelrawn tiah ti a si.

ISAIAH 66:16

A sual tiah a hmuhmi vawleicung mi vialte kha mei le vainam in dan a tat hna lai i an thi lai.

ISAIAH 66:18

An ruahnak le an tuahmi kha ka hngalh. “Miphun kip chung minung kha ka pumh hna lai. Hmunkhat i an i pumh tikah ka ṭhawnnak nih zeidah a tuah khawh ti kha an hmuh lai i

JEREMIAH 12:14

Bawipa nih, “Ka mi Israel mi ka pekmi hna ram a hrawk dihtu an innpa miṭhalo hna kongah chim awk ka ngei,” tiah a ti. “Hi mi hna hi, a hram in phawimi thingkung bangin, an ram in hmun dang ah ka kalpi hna lai i an sin khan Judah cu ka khamh lai.

JEREMIAH 25:31

A au thawng cu vanhramdeng tiang a thang lai, zeicahtiah Bawipa cu miphun vialte cungah bia a ngei i minung vialte kha taza a cuai hna lai i a sualmi cu vainam in an thi lai, tiah na chimh hna lai,’ tiah Bawipa nih a ti.

JEREMIAH 49:1

Ammon mi hna kong ah Bawipa nih hi bangin a ti: “Israel nih hin fapa a ngei hna lo maw? Rocotu a ngei lo maw? A si kun ah cun, zeicahdah Milkom nih Gad ram cu a co i Amah a biami hna cu Gad ram chung khua ah hin an um?

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

EZEKIEL 25:8

“Mah hihi Bawipa Pathian bia an si: Moab nih aa thawh i, ‘Judah cu midang bantuk cio a si ko,’ a ti, cu caah Moab cu

EZEKIEL 34:6

Ka tuurun cu a kenkip ah an vak, fing le tlang kip ah an kal i ram chungah khan an i ṭhek dih; ahohmanh an zei a poi lo i ahohmanh nih an kawl fawn hna lo.

EZEKIEL 35:10

Na thawh i, Miphun pahnih hna, Judah le Israel cu an ram pahnih hna he, khika ah Bawipa ka um ko nain, keimah ta an si lai i ka co hna lai, na ti.

EZEKIEL 36:1

Cun mipa, Israel tlang hna cu chawn hna law, Israel tlang hna, Bawipa bia cu thei tuah u, ti hna.

EZEKIEL 36:5

Hihi Bawipa Pathian bia cu an si: Ka nahchuahnak mei lin chungin miphun dang hna sinah khan fiang tein ka chim cang i fiang khun in Edom kong ah khan ka chim. Zeicahtiah Edom nih khan porhlawt ruamkai ngaingai in le zeirello ngaiin ka ram kha a lak i a rok a ramh dih.

EZEKIEL 38:22

Ral le thisen chuahnak he biaceihnak ah ka chuahpi lai; a cungah khan a tuk ngaingaimi ruahpi ka surter lai i lung tlukin a hakmi rial le mei le kat cu amah le a ralkapbu hna le amah sinah a ummi mi tampi hna cungah khan ka tlakter lai.

EZEKIEL 39:11

Khi ni ah Israel ram ah si loin Rili nichuahlei Abarim nelrawn ah Gog cu vuinak hmun kha ka pek lai. Khika ah Gog le a ralkap vialte kha an vui hna lai i Abarim nelrawn vialte cu ahohmanh lut loin kham a si lai; cu hmun cu Gog Ralkap hna Nelrawn tiah an ti lai.

JOEL 3:12

Bawipa Biaceihnak Nelrawn ah cun ra hna seh; Khuazakip ah a ummi miphun vialte hna cu biaceih awkah Khika ah keimah cu biaceihnak ṭhutdan cungah ka ṭhu lai.

JOEL 3:14

Biaceihnak Nelrawn ah mi cu a thongthong in an um. Bawipa Ni tuan ah a rat lainak cu khika ah a si lai.

AMOS 1:11

Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

MIKAH 4:12

Sihmanhsehlaw annih nih Bawipa ruahnak kha an hngal lo i aa tinhmi zong kha an hngalthiam lo. A ngaingai ti ahcun, annih kha phuhri i faphal pumh bantukin a pumtu hna cu Bawipa kha a si.

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.

BIAPHUAN 11:18

Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

BIAPHUAN 16:14

Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

BIAPHUAN 16:16

Cun thlarau hna nih khan siangpahrang cu hmunkhat ah an pumh hna i cu hmun cu Hebru holh in Armageddon ti a si.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

BIAPHUAN 20:8

vawlei kil li ah aa ṭhekmi miphun vialte kha hlen awkah aa thawh lai, cu hna cu Gog le Magog kha an si. Satan nih cun i tuk awkah a pumh ciammam hna lai i rili kam thetse zat an si lai.