JOEL 3:16 - Lai (Hakha) Common Language Bible 2006

¹⁶ Bawipa cu Zion tlang cungin a rung huk i Jerusalem in khuarit in a rung ri. Van le vawlei cu an i hnin dih, Sihmanhsehlaw Bawipa cu a mi hna caah cun himnak a si i Israel mi caah cun ralhruang a si.

JOEL 3:16 Iomraidhean Croise

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 29:11

Bawipa nih a mi cu thazang a pek hna i thluachuah daihnak a pek hna.

SALM 61:3

Himnak hmun ah ka kalpi tuah, nangmah cu keimah nakin a sang deuhmi lungpi na si, ka ral hna sinin a ka hupphengtu a fekmi innsang na si.

PHUNGTHLÛKBIA 18:10

Bawipa min cu a fekmi innsang a si, miding cu khika ah khan an va tli i an him.

ISAIAH 33:16

Cu bantukin na um ahcun khua-awng na pem lai i a ṭhawngmi ralhau bantukin na fek lai. Rawl ei awk kha na ngei zungzal lai i tidin awk kha zeitikhmanh ah na dong lai lo.

ISAIAH 33:21

Bawipa nih a sunparnak kha a kan hmuhsak lai. Tiva ngan pipi le tiva kau pipi pawngah khua kan sa lai, asinain kan ral hna tilawng cu cuka ah cun zeitikhmanh ah an ra lai lo.

ISAIAH 42:13

Mi ralṭha kha raltuk awkah aa thawh bantukin Bawipa cu aa thawh; ral tuk awkah cun aa tim i a hiar in a hiar; ral hla kha aa thawh i raltuknak hmun au khan a au; a ral kha a ṭhawnnak cu a hmuhsak hna.

ISAIAH 51:16

Van khi ka samh hna i vawlei hram cu ka bunh hna. Zion cu ka thawh i, ‘Nangmah cu ka mi na si! Keimah nih kan cawnpiak cang i ka kut in kan huhphenh,’ ka ti.”

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 17:17

Ka caah ṭihnung si sawh hlah, Rawhralnak ni ah nangmah lawnglawng hi ka himnak na si.

EZEKIEL 38:19

Zeicahtiah ka hamnak hna le ka thinhunnak a linh in a linmi in chiatser in ka chim i cu ni ah cun Israel ram chung dihlak ah lihnin fakpi a um lai.

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.

AMOS 1:2

Amah nih cun, Bawipa cu Zion in a rung huk i Jerusalem in khuarit in a rung ri; Tuukhal hna ram hninghno cu an car i Karmel tlangpar cu a ro dih, tiah a ti.

AMOS 3:8

Chiandeih a huk, ahodah ningṭi loin a um kho? Bawipa Pathian nih bia a chim: ahodah chim loin a um kho?

NAHUM 1:7

Harnak caan ah amah aa bochanmi caah cun Bawipa cu a fekmi himnak a si; Amah nih ka chanh seh, ti a duhmi paoh cu a zohkhenh hna.

HAGGAI 2:6

Zeicahtiah ralkapbu Bawipa nih hitihin a ti: Hmailei caan tlawmte chungah van hna le vawlei le rili le vawlei ro hi ka hninh ṭhan hna lai.

HAGGAI 2:7

Cun miphun vialte cu ka hninh hna lai i an chawhlawn cu nan sinah an rak put lai i hi inn hi sunparnak in ka khahter lai, tiah ralkapbu Bawipa nih a ti.

ZEKHARIAH 10:12

Sihmanhsehlaw Israel ṭhawnnak cu Bawipa chungah a si lai i A min in sunglawi ngaiin an kal lai. Mah hihi Bawipa bia hrimhrim a si.

ZEKHARIAH 10:6

Judah innchungkhar cu ṭhawnnak ka pek hna lai i Josef innchungkhar cu teinak ka pek hna lai; Annih cu ka zaangfah hna caah ka kirpi ṭhan hna lai i, Rak hlonh bal hna hlah ning law, cu bantuk cu an si lai; Zeicahtiah keimah cu Bawipa an Pathian ka si i an ka halnak cu ka leh hna lai.

ZEKHARIAH 9:12

Ruahchannak he a hngak komi thongtla hna, Ralhruang chungah cun ra kir ṭhan u. Nannih kha phun hnih in kan cham hna lai ni cu atu hi thanh a si cang.

HEBRU 12:26

Kha lioah khan a aw nih vawlei cu a hninh, sihmanhsehlaw atu i bia a kan kammi cu, “Vawlei lawng hi si ti loin van zong voi khat cu ka hninh ṭhan lai,” ti hi a si.

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIAPHUAN 11:19

Vancung i a ummi Pathian biakinn cu a hun i a chung i biakamnak an chiahnak kuang kha a lang. Cun nimtlau a lek, ṭek a tla, khua a ri, li aa hnin i fak piin rial a tla.

BIAPHUAN 16:18

Nimtlau a lek, khua a ri, ṭek a tla i ṭihnung ngaingai in li aa hnin. Minung ser hramthawk in cu bantuk lihnin cu a um bal lo; lihnin vialte lakah lihnin fak bik a si.

1 SAMUEL 15:29

Cun Israel Sunparnak nih khan lih zong a chim lai lo i a ngaih zong aa ngaichih lai lo; zeitintiah i ngaihchih awkah amah cu minung a si ṭung lo,” tiah a ti.