JOEL 3:13 - Lai (Hakha) Common Language Bible 2006

¹³ Rawl ṭuan a zat cang caah fa-ah kha i lak tuah, Mitsur nennak cu a khah caah va kal law va neng tuah, An ṭhat lonak cu a ngan caah mitsur hang nennak khor cu a liam in an liam.

JOEL 3:13 Iomraidhean Croise

GENESIS 13:13

Sodom khuami cu miṭhalo, Bawipa cung i ṭhat lonak a tuahmi misual an si.

GENESIS 15:16

Na tefa hna cu chan li hnuah an ra kir ṭhan lai, zeicahtiah Amor mi hna cu dantat awk tlak hrimhrim in an sual tik lawngah ka ṭhawl hna lai,” a ti.

GENESIS 18:20

Cun Bawipa nih cun, “Sodom le Gomorrah khua hi an thang a chia ngaingai ko i an sualnak cu a ngan ngaingai ko.

ISAIAH 17:5

Israel cu rawl an hleh i an ṭuan cianak lo bantuk a si lai, Refaim Nelrawn i famua an suatnak cia lo bantuk a si lai.

ISAIAH 63:3

Keimah nih, keimah lawnglawng in mitsur hang cu ka nen i ka thinlinh in ka nen hna; An hang nih ka puan cu a peh i ka puan cu a seh dih.

JEREMIAH 51:33

Ralkapbu Bawipa, Israel Pathian nih, Babilon cu facang cilnak phuhri bantuk a si, A rauh hlanah a cungah facang ṭuan caan a phan lai, tiah a ti.

ṬAHNAK HLA 1:15

Ka khua kulh chung i a ummi miṭhawng vialte hna cu Bawipa nih zeihmanh ah a rel hna lo; Ka ralkap valno rual kha cil dih awkah ralkap kha a ka pumhhnawh luaimai hna. Bawipa nih Judah fanu thiang cu, Mitsur nennak chung i mitsur thei bantukin a ke in a cil.

HOSEA 6:11

Cun nangmah ca zongah, maw Judah, biaceihnak caan kha a ra lio.

MATTHAI 13:39

Cun belh a tuhtu kan ral kha Khuachia a si. Rawl ṭuan caan hi, chan dongh caan a si i rawl ṭuantu hna cu vancungmi hi an si.

MARKA 4:29

Cun an hung hmin tikah ṭuan caan a cut cang caah a ṭuantupa nih a facang hlehnak fa-ah in a hleh hna,” tiah a ti.

DEUTERONOMI 16:9

“Zarh sarih nan rel lai; nan rawl ṭuan domh ni in zarh sarih nan rel lai.

BIAPHUAN 14:14

Cun khua ka hun zoh i khuadawm rang pakhat ka hmuh, cu cungah cun minung he aa lomi kha a ṭhu, a lu ah sui bawiluchin aa chinh i a kut in a harmi faah pakhat aa put.

BIAPHUAN 19:15

A har ngaingaimi nam pakhat a kaa chungin a hung chuak i cu nam cun miphun vialte kha a tei dih hna lai. Annih cu thirfung in a uk hna lai i Lianngan Bik Pathian thinhunnak mitsur nennak chung mitsur kha a nen hna lai.