JOEL 3:10 - Lai (Hakha) Common Language Bible 2006

¹⁰ Nan tuhmui cu vainam ah ser hna u law nan hlawhkawi cu fei ah ser hna u. Khuazakip i a ummi miphun vialte hna, i bawmh awkah i pum u, A dermi nih khan, “Ka ṭhawng ko,” ti hna seh law,

JOEL 3:10 Iomraidhean Croise

2 CHANRELNAK 25:8

Sihmanhsehlaw nang nih hi lam hin raldohnak ah ka ṭhawng lai tiin na ruah ahcun, ral hmaiah khan Pathian nih nang cu an hlonh ko lai; zeitintiah Pathian nih cun bawmh khawhnak le hlonh khawhnak ṭhawnnak a ngei,” tiah a ti.

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

MIKAH 4:3

Amah cu miphun tampi hna biaceihtu kha a si lai i, Lam hlat pipi i a ummi miphun ṭhawngṭhawng hna karlak i biakhiaktu a si lai. Annih nih an vainam hna cu tuhmui ah an ser hna lai i an fei hna cu hlawhkawi ah an ser hna lai; Miphun pakhat nih miphun pakhat cungah a vainam kha a hler ti lai lo i, Raltuk zong kha an i cawnpiak ti lai lo;

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

LUKA 13:12

Jesuh nih a hmuh tikah a hei auh i, “Minu, na zawtnak in na luat cang,” tiah a ti.

LUKA 22:36

Cun Jesuh nih, “Sihmanhsehlaw atu cu, phaisa bawm siseh, zal siseh a ngeimi paoh nih i phorh u; cun vainam a ngei lomi paoh nih a angkileng kha zuar seh law pakhat in i cawk seh.