JOEL 2:3 - Lai (Hakha) Common Language Bible 2006

³ An hmaisuang pawl cu mei alh bantuk an si i an hnudawn pawl cu meizik bantuk an si; An hmaiah cun ram cu Eden dum bantuk a si, An hnu tu ah cun zeihmanh a um lomi thetse ram bantuk a si; Zeihmanh nih a celh hna lo.

JOEL 2:3 Iomraidhean Croise

GENESIS 13:10

Cucaah Lot cu khua a cuan i Jordan tiva nelrawnpi kha Zoar khua tiangin ti tampi a um i Bawipa dum bantuk le Izipt ram bantuk a si kha a hmuh. (Cucu Bawipa nih Sodom le Gomorrah khua a hrawh hna hlan kha a si.)

GENESIS 2:8

Cun Bawipa Pathian nih nichuahlei ah Eden dum pakhat a ser i cuka ah cun a sermi mipa kha a chiah.

SALM 50:3

Kan Pathian cu a ra lio, sihmanhsehlaw dai tein a rat cu a si lai lo, a alh hluahmahmi mei a hmaiah khan a um i ṭih a nungmi thlichia nih a zual.

SALM 97:3

A hmaiah mei cu a kal i a velchum i a ummi a ral kha a kangh dih hna.

EXODUS 10:15

Ram kha a khuh in an khuh dih i cucaah vawlei cu nak dup in a um ko. Ram chung i a khomi thil vialte le rial nih a nganhmi thingthei kung vialte kha an ei dih. Izipt ram chung a dihlak ah thing hring pakhat siseh, ram hring pakhat siseh a taangmi an um lo.

EXODUS 10:5

Vawlei kha an khuh dih lai i a langh in a lang lai lo. Rial nih a hrawh lomi thil vialte kha an ei dih lai; na thingkung vialte kha an ei dih hna lai.

ISAIAH 14:17

Amah hi khualipi vialte a hrawk dihtu le vawlei cu thetse ram i a canter dihtu kha a si lo maw? A tlaih ciami sal hna cu a thlah bal ti lo i inn ah a kirter ti lotu kha a si lo maw?” an in ti lai.

ISAIAH 15:6

Nimrim tiva cu a kao, a pawng ram cu an car dih i a hringmi zeihmanh an taang lo.

ISAIAH 33:4

An chawva vialte kha an chuh hna i hranchaw ah an lakpiak dih hna.

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

ISAIAH 9:18

Hi mi hna ṭhat lonak cu hlingbur le rambur a khangtu mei bantukin a alh. A khu a dir in a dirmi mei, tupi a khangtu mei bantuk a si.

ISAIAH 9:19

Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang.

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

EZEKIEL 36:35

Mi nih an i thawh lai i hi ram ṭiaotak cangmi ram hi, Eden dum bantuk ah a cang ṭhan cang an ti lai. Hlan i a rak rawk i an rak bauh i an rak chimhmi khua, atu i ṭha tein kulh a si ṭhanmi hna chungah hin, mi khua an sa ṭhan lai.

AMOS 7:4

Bawipa Pathian nih a ka hmuhsak ṭhanmi cu mah hihi a si: Bawipa Pathian nih a thukmi rili le sermi thil vialte kha khangh dih awkah mei kha a auh.

HABAKKUK 1:6

Mah cucu hihi a si: Khaldi mi cu ka thawhter hna lai, Annih cu mipuar, mithintawi an si; Anmah inn a si lomi lak awkah khan vawlei cung khuazakip ah an kal.

ZEKHARIAH 7:14

Cucaah an hngalh bal lomi miphun hna lakah ka dawi hna i an ram cu ṭiao relrul in an kaltak i pakhat hmanh an i chawk an i let ti lo. Cuticun an ram a nuam ngaimi cu pakpalawng ah an ser.