JOEL 2:22 - Lai (Hakha) Common Language Bible 2006

²² Saram hna, nan thin phang hlah u, Zeicahtiah phong cu an hring ṭhan lai i thingkung nih thei an tlai ṭhan hna lai i theipi le mitsur ruang cu tam piin an tlai ṭhan lai.

JOEL 2:22 Iomraidhean Croise

GENESIS 4:12

Lo na thlawh tikah vawlei nih rawl zeihmanh an chuahpiak lai lo; vawlei cungah inn ngei loin a vak lengmangmi na si lai,” a ti.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

SALM 65:12

Saṭil tlonnak hmun cu saṭil run in an khat i tlangpang hna cu lawmhnak in an khat.

SALM 65:13

Ram hnonak hmun cu tuu in an khat i nelrawn cu facang in an khat; lunglawmhnak in an au i hla an sa.

SALM 67:6

Vawlei nih rawl kha a chuahter cang, Pathian kan Pathian nih thluachuah a kan pek cang.

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

EZEKIEL 36:30

Thingkung kha thei tampi ka tlaiter hna lai i vawlei kha rawl tampi ka vuiter lai i mangṭam nih ningzahnak a chuahtermi kha miphun hna lakah nan ing ti lai lo.

EZEKIEL 36:35

Mi nih an i thawh lai i hi ram ṭiaotak cangmi ram hi, Eden dum bantuk ah a cang ṭhan cang an ti lai. Hlan i a rak rawk i an rak bauh i an rak chimhmi khua, atu i ṭha tein kulh a si ṭhanmi hna chungah hin, mi khua an sa ṭhan lai.

EZEKIEL 36:8

Sihmanhsehlaw nannih Israel tlang hna tu nih cun, ka mi hna kha inn i an tlun lai caan a nai cang caah nge thar nan la lai i ka mi Israel mi hna caah cun thei nan tlai lai.

JONAH 4:11

Cucaah cun hi Nineveh khua, a chung i keh le orh hmanh a hngal rih lomi ngakchia sing khat le sang hnih an umnak le saṭil rel cawk lo an umnak hi, zaangfah loin ka um awk a si hnga maw?” tiah a ti.

HAGGAI 2:16

Rawl pumhmi kha phorh kul a si lai tiah nan ruahmi ah khan phorh hra lawng a rak um; mitsur hang nennak khor umpu sawm nga a um lai tiah nan fuhmi ah, kul lawng a rak um;

ZEKHARIAH 8:12

Hnangam tein thlaici kha an thlak cang lai; mitsur ruang nih a thei kha a tlai lai i vawlei nih theipar a chuahter lai, van nih dap cu an surter lai; hi thil vialte hi hi miphun chungin a tangmi hna cu ka pek hna lai.

1 KORIN 3:7

A ci a tuhtu le ti a toihtu thamtham cu biapi an si ṭung lo. Pathian kha pei biapi cu a si cu, zeicahtiah amah nih khan pei a ṭhanter cu.