JOEL 2:2 - Lai (Hakha) Common Language Bible 2006

² Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

JOEL 2:2 Iomraidhean Croise

SALM 10:6

Amah le amah cu, “Ka sung bal lai lo; harnak ka tong bal lai lo,” aa ti.

SALM 97:2

Khuadawm le muihnak kha a velchum in an um; a pennak cu dinnak le biading cungah a hram a bunh.

EXODUS 10:14

Izipt ram chungah cun an lut ciammam i ram cu a pumpi khah in an khat. Cu zat khaubawk cu an hmu bal hna lo i hmailei zongah an hmu bal ti hna lai lo.

EXODUS 10:6

Na inn le na bawi pawl inn le na mi hna inn kha an khat lai. Na pu na pa hna nih hi ram i an rat hramthawk in an hmuhmi thil vialte lakah hi tlukin a chiami cu a um lai lo,’ a ti,” tiah an chimh. Cun aa mer i Faro cu a chuahtak.

EXODUS 20:21

Sihmanhsehlaw mi zapi cu lamhlatpi ṭhiamṭhiam khan an dir i Moses lawng cu Pathian umnak minmei a nah in a nakmi pawngah khan a va kal.

ISAIAH 5:30

Cu ni a phak tikah cun Israel cu an hawhawthnawh lai i an aw cu rili thawng bantuk a si lai. Hi ram hi zohhmanh u! Muihnak le harnak lawng a si ko. Ceunak cu muihnak nih a dolh cang!

ISAIAH 8:22

Vawlei an bih lai, sihmanhsehlaw harnak le muihnak dah ti lo cu zeihmanh an hmu lai lo; cu muihnak cu muihnak ṭihnung a si i cu chungah cun an lut cuahmah ko. Hi harnak caan chung hin luatnak lam an caah zeihmanh a um lai lo.

JEREMIAH 13:16

Bawipa nan Pathian cu sunparnak pe tuah u, Khua a muih hlan le huaphap lawngin a ceumi tlang pang i nan ke a nal hlan le Nannih nih nan kawlmi ceunak cu mui padap i a ser hlanah hin.

JEREMIAH 13:6

Cun caan saupi hnuah khin Bawipa nih a ka thawh i, “Tho law, Zufrates tiva ah khan va kal tuah, cun khika ah va thup tiah nawl ka rak in pekmi biar kha va la,” tiah a ti.

ṬAHNAK HLA 1:12

Lam i aa chawkmi hna nan caah, Mah hihi zeihmanhlo maw a si ko? A zoh tal cu ka zohpiak ko sawh u: Ka lungfahnak bantuk lungfahnak hi a um maw? Bawipa nih a thinhun ni ah zaangfahnak um loin dan a ka tatnak hremnak bantuk hi a um ti maw?

EZEKIEL 32:7

Na ceunak kha ka hmih tikah van kha ka phenh lai i a arfi hna kha ka muihter hna lai; ni cu minmei in ka phenh lai i thlapa nih a ceunak a chuah lai lo.

EZEKIEL 34:12

Tuukhal nih a pawngah a tuu an i ṭhek tikah anmah kawl awkah a kal bangin, ka tuu hna kawl awkah ka kal lai i khuachiat le khuadawm ni zongah siseh, khuazeihmanh ah i ṭhek hna ai kun, an i ṭheknak hmun paoh khan ka chuahpi hna lai.

EZEKIEL 38:9

cun nang cu na ra lai i ṭotho bantukin na ra cutmat lai; cun nangmah le na ralkapbu vialte hna, mi tampi aa fonh ṭhupmi hna nih cun, ram cu khuadawm nih a khuh bantukin nan khuh lai.

DANIEL 12:1

Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

DANIEL 9:12

Kanmah kong ah siseh, a kan uktu hna kong ah siseh, na chimmi vialte kha na tlinter i kan cungah le Jerusalem khua cungah vawlei cung dihlak i a tlung tawnmi harnak vialte hna nakin a ngan deuhmi harnak kha na tlunter;

JOEL 1:6

Khaubawk bu ngan pipi nih kan ram cu an hranh cang; An ṭhawng ngaingai i rel cawk lo an si; An ha cu chiandeih ha bantukin a har.

JOEL 2:25

Khaubawk bu ngan pipi nih nan ti le nan rawl an ei kum i nan sunghmi kha kan pek ṭhan hna lai. Hi ralkapbu an thlahhnawhtu hna kha keimah ka si.

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

JOEL 2:5

Tlang cungah cun an i chaih ciammam i An thawng cu rangleng thawng bantuk le mei nih a kanghmi ramro thawng bantuk a si. Ralkapbu nganpi raltuk awk i an i tian bantukin an i tiang.

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

AMOS 4:13

Khuari le thlitu a sertu, Vawlei cungah ruah tampi a surtertu, Zinglei khuaceu kha minmei chah piin a hup i Vawlei cung a sannak hmun i aa chawkmi cu amah kha a si — A min cu Bawipa, Ralkapbu Pathian a si.

ZEFANIAH 1:7

Bawipa ni cu a nai caah Bawipa hmaiah dai tein um u! Bawipa nih raithawinak kha a timh cang i a sawmmi hna cu a thianter cang hna.

ZEKHARIAH 14:6

Khi ni ah cun lumnak, kihnak, hawhra ti a um ti lai lo.

MATTHAI 24:21

Zeicahtiah khi caan ah cun vawlei hramthawk in nihin ni tiangah a ummi harnak a zeihmanh nakin a let tampi in a fak deuhmi harnak kha a um lai. Cu bantuk harnak cu a um zong a um ti lai lo.

MARKA 13:19

Zeicahtiah hi a tlung dingmi harnak hi Pathian nih vawlei a ser hramthawk in atu tiangah a um bal lomi thil, ṭih a nung bikmi harnak a si lai. Hmailei zongah cu bantuk cu a um ti lai lo.

DEUTERONOMI 32:7

Hlan lio ni kha hngal ṭhan hna law, Chan tampi kum kha ruat tuah hna. Na pa kha hal law, an hmuhsak lai, Na upa hna zong hal hna law, an in chimh lai.

HEBRU 12:18

Nannih nih nan phakmi tlang cu Israel mi nih an phakmi tlang, tawngh khawhmi tlang Sinai Tlang kha a si lo; kha tlang ah khan cun a alh hluahmahmi mei le minmei nak pipi le muihnak le ṭotho le

JUDAS 1:13

Rili tilet ṭihnung bantuk an si, ningzak a simi an tuahsernak cu tilet buanbara bantukin an lang. A vak a vaimi arfi bantuk an si, cu arfi hna cu Pathian nih muihnak a thuk bik chungah khin hmun a chiahpiak ko hna.

BIAPHUAN 9:2

Dongh hngal lo khor cu arfi nih cun a vun hun i somei nganpi chung i meikhu a chuakmi bantuk meikhu kha a hung chuak hluahmah; cu dongh hngal lo khor in a chuakmi meikhu nih cun ni ceunak le thli kha a muihter dih hna.