JOEL 2:18 - Lai (Hakha) Common Language Bible 2006

¹⁸ Khi tikah Bawipa nih a ram kha a zawn a ruah i a mi hna cungah zaangfahnak a ngeih kha a langhter.

JOEL 2:18 Iomraidhean Croise

2 SIANGPAHRANG 19:31

Jerusalem le Zion Tlang ah a tangmi an um lai. Ralkapbu Bawipa ṭannak nih mah hi cu a tuah lai.

SALM 103:13

Pale nih an fale an zaangfah hna bantuk khin Bawipa nih amah a ṭihmi cu a zaangfah hna.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

ISAIAH 37:32

Ralkapbu Bawipa nih hi cu a tlinter hrimhrim lai caah Jerusalem khua le Zion Tlang ah a tangmi cu an um lai,” a ti.

ISAIAH 42:13

Mi ralṭha kha raltuk awkah aa thawh bantukin Bawipa cu aa thawh; ral tuk awkah cun aa tim i a hiar in a hiar; ral hla kha aa thawh i raltuknak hmun au khan a au; a ral kha a ṭhawnnak cu a hmuhsak hna.

ISAIAH 60:10

Bawipa nih Jerusalem cu a thawh i, “Ramdangmi nih na vampang kha an remh lai i an siangpahrang nih na rian an ṭuan lai. Ka thinhun in dan kan tat, sihmanhsehlaw atu cu kan dawtnak le kan zaangfahnak kha na cungah ka langhter lai.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

ṬAHNAK HLA 3:22

Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

ZEKHARIAH 1:14

Va thanh tuah, hihi Bawipa bia a si: Jerusalem le Zion hi ka ham ngaingai hna;

ZEKHARIAH 8:2

“Zion cu ka ham ngaingai i ṭihnung tiangin ka ham,” tiah a ti.

LUKA 15:20

Cucaah a tho i a pa sinlei kir ah cun aa thawh. “Lamhlatpi i a rat lio kha a pa nih cun a rak hmuh; a zaang a fak ngaingai i a hei tlikhnawh i a kuh i a hnamh.

DEUTERONOMI 32:16

Ram dang pathian hna in a nah an chuahter Fihnung an tuahnak in a thin an hunter.

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

DEUTERONOMI 32:43

“Maw miphun hna, a mi kha thangṭhat hna u, Zeitintiah a sal hna thisen phu kha a hlam i A ral hna kha phu a hlam hna i A mi hna ram caah sual thianhnak a tuah lai,” tiin au u.

JEIM 5:11

Annih nih an in khawh cah, lunglawmmi kan ti hna. Job lungsaunak kha nan theih i Pathian nih a donghnak ah a pek ṭhannak kong kha nan theih. Bawipa cu zaangfahnak le zawnruahnak in a khatmi a si.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.