JOEL 2:17 - Lai (Hakha) Common Language Bible 2006

¹⁷ Bawipa rianṭuantu tlangbawi hna kha innleng le biakṭheng karah khan dir hna seh law ṭap hna seh law, “Maw Bawipa, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

JOEL 2:17 Iomraidhean Croise

1 SIANGPAHRANG 6:3

Cun cu inn ṭuangpi hmailei i innleng cu a inn vang can in dong kul a sau i inn hmaiah cun dong hra a kau.

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.

2 CHANRELNAK 7:20

kan pekmi ram hin kan phawi lai i hi inn ka min ca i ka thiantermi hi ka mit hmuh phak lo ah khin ka hlonh lai i mi vialte lakah phungthluk bia le nihchuak capo bia ah ka ser lai.

2 CHANRELNAK 8:12

Cun innleng hmai i a sakmi Bawipa biakṭheng cungah khan Solomon nih Bawipa sinah khangh thawinak kha a pekchanh hna,

NEHEMIAH 9:36

Zohhmanh, nihin ah hin kannih cu sal kan si ko; a theitlai le a laksawng ṭha hna kha i lawmhpi awkah kan pupa hna na pekmi ram chungah hin kannih cu zohhmanh sal kan si ko.

SALM 115:2

Zeicahdah miphun dang hna nih, “Nan Pathian cu khoika ah dah a um?” tiah an kan hal lai?

SALM 42:10

An ka nihsawhnak nih a ka hrilh cang, annih nih, ‘Khuazei ah dah na Pathian cu a um kun?’ tiah an ka ti chih lengmang,” ka ti.

SALM 42:11

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 42:3

Chun nitlak zan khuadei in ka ṭap i ka mitthli lawng kha ka rawl cu a si ko; ka ral nih, “Na Pathian cu khuazei ah dah a si kun?” tiah atu le atu an ka ti lengmang.

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

SALM 74:10

Maw Pathian, kan ral nih hin zei can dah an kan nihsawh lai? Na min hi a zungzal in maw an nihsawh ko lai?

SALM 79:10

Zeicahdah miphun dang hna nih, “Nan Pathian cu khuazei ah dah a um kun?” tiah an kan ti lai? Na sal kha an thi an luanter hna caah miphun dang pawl dan na tat hna cu kan mit hrimhrim nih hmu seh.

SALM 79:4

Kan pawngkam i a ummi miphun hna nih capo ah an kan saih, an kan nihsawh i an kan zawmhtaih;

SALM 89:41

Aa chawkmi paoh nih a thil kha an fir i a innpa pawl nih an nihsawh.

SALM 89:51

Bawipa, na thimmi siangpahrang hi na ral pawl nih an zawmhtaih hringhran ko! A kalnak kip ah khan an nihsawh.

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

EZEKIEL 20:9

Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka ṭuan ṭhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang.

EZEKIEL 8:16

Cucaah Bawipa inn chung chungchin tual ah khan a ka kalpi i khika ah Bawipa hmunthiang i va luhnak ah cun, innleng le biakṭheng karlak ah, mi kul le panga tluk, hmunthiang cu hnulei chit in nichuahlei kha a zoh i a chuak liomi nika bawh buin a biami kha ka hmuh hna.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.

JOEL 1:13

Bawipa biakṭheng cungah thawinak a pechantu nannih tlangbawi hna, Ngaihchiatnak thil kha i hruk u law ṭap u, Biakinn chungah khan va kal u law, ngaihchiatnak thilthuam i hruk in zan khua va dei u. Nan Pathian inn chung i pekchanh awkah rawl siseh, mitsur hang siseh, zeihmanh a um lo.

JOEL 1:9

Biakinn chung i pekchanh awkah rawl siseh, mitsur hang siseh a um lo; Bawipa sinah a pechantu tlangbawi hna, ṭap tuah u.

AMOS 7:2

Ram chung i ram hring kha an ei dih dengmang tikah khin kaa thawh i, “Maw Bawipa Pathian, ngaithiam ko hna. Hi hnuah hin zeitindah Jakob cu a nun khawh ti lai? Zeihmanh a tuah khomi a si fawn lo,” tiah ka ti.

AMOS 7:5

Cun kei nih kaa thawh i, “Maw Bawipa Pathian, Ngol ko tuah, tiah kan nawl; Hi hnuah hin Jakob nih zeidah a tuah kun lai? Amah cu a hme tuk hringhran fawn,” tiah ka ti.

MIKAH 7:10

Khi tikah, “Bawipa na Pathian cu khuazei ah dah a um?” tiin nehsawh zawmhtaih in a ka timi ka ral hna nih khan an vun hmuh lai i an ning a zak lai. Annih cu an sungh i lam i nawncek lakah lamhchih an si kha ka hmuh hna lai.

MALAKHI 1:9

Nannih tlangbawi hna mithmai ṭha kan pe tuah tiah Bawipa cu hal hnek u, nan thlacamnak cu an let hna lai lo; nanmah palh a si ko lai.

NAMBAR 25:6

Cun zohhmanh, Israel mi pakhat cu a ra i Midian minu pakhat cu a innchungkhar hna sinah aa luhpi; mah cucu Moses hmuh le Israel mibu an ningpi hmuh ah a si, tonnak thlam innka i an ṭah lioah khan.

MATTHAI 23:35

Cucaah a sual lomi vialte hna thahnak ruang i dantatnak kha nan cungah a tla lai; a sual lomi Abel thawk in Biakinn le biakṭheng karlak ah nan thahmi Zekhariah, Berekhiah fapa, tiang khan.

MATTHAI 27:43

Pathian kha aa bochan i Pathian Fapa ka si a ti. Pathian nih a khamh le khamh lo kan zoh fam lai ta!” an ti.

DEUTERONOMI 28:37

Cun Bawipa nih an hruai hna lainak mi hna lakah cun nannih cu tuksapur le phungthlukbia le nihchuak capo men ah nan cang lai.

JOSHUA 7:9

Zeitintiah Kanaan mi hna le hi ram chung i a ummi vialte nih an theih lai i an kan kulh lai i vawlei cung hin kan min an hloh lai; na min lianngan cu zeidah na tuahpiak lai?” tiah a ti.