JOEL 2:16 - Lai (Hakha) Common Language Bible 2006

¹⁶ Hmun khat ah mi kha pum hna u, a thiangmi pumhnak kha tim u, Upa kha au hna u, ngakchia kha pum hna u, hnuktlai lio ngakchia zong kha pum hna u. Aa ṭhi kate mi hna hmanh kha an khaan chung khan ra chuak hna seh law ra hna seh.

JOEL 2:16 Iomraidhean Croise

2 CHANRELNAK 20:13

Cu lioah cun Judah mi vialte hna cu an ngakchia hna le an nupi le an fale hna he, Bawipa hmaiah khan an dir.

2 CHANRELNAK 29:5

annih cu a thawh hna i, “Levi mi hna, ka bia thei tuah u! Atu cu i thianh u law Bawipa nan pupa hna Pathian inn kha thianhhlimh tuah u, hmunthiang khan hmunthur kha hlonh u.

2 CHANRELNAK 30:17

Zeicahtiah aa pummi chungah khan aa thianh lomi tampi an um; cucaah a thiang lomi ca paoh ah khan Levi mi nih Lanhtak tuufa kha thah a herh, tuufa cu Bawipa sinah a thiang i ser awkah.

2 CHANRELNAK 30:19

“Pathian, Bawipa an pupa hna Pathian cu a lungthin in kawl aa timmi paoh cu, hmunthiang chung i i thianhnak phung ningin a tuah lo hmanh ah, a ṭhami Bawipa nih cun ngaithiam ko seh,” tiah a ti.

2 CHANRELNAK 35:6

Cun Lanhtak tuufa kha that u law i thianh tuah u, Moses sinin Bawipa bia ningin tuah awkah nan unau hna kha timtuah hna u,” tiah a ti.

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

SALM 19:5

nupi ṭhi tlangval a inn in a hung chuah bantuk khin a hung chuak, tlik aa zuammi tlik zuamnak i an hung chuah bantuk khin a hung chuak.

EXODUS 19:10

Bawipa nih Moses cu, “Mi zapi sinah khin va kal law nihin le thaizing biaknak ding caah va timhlamhter hna. An thil kha su hna seh law

EXODUS 19:15

Moses nih cun a thawh hna i, “Kiptuh ah cun timh cia tein um u. Ahohmanh nu le pa si hlah u,” a ti hna.

EXODUS 19:22

Tlangbawi hmanh keimah pawngah a rami cu an i thianh lai, cu ti a si lo ahcun dan ka tat sual hna lai,” a ti.

JOEL 1:14

Rawl ulhnak kha thanh u law biaknak caah pumhnak pakhat au u, Hruaitu hna le Judah mi vialte hna kha Bawipa nan Pathian biakinn chungah pum hna u law amah sinah cun au tuah u.

MATTHAI 21:16

cucaah Jesuh cu, “An chimmi cu na thei maw?” tiah an ti. Jesuh nih cun, “Thei dah e! ‘Ngakchia tete hna le hnuktlai lio bawhte hna kha, na thangṭhatnak cu na chimter hna,’ tiah Cathiang chungah aa ṭialmi kha nan rel bal lo maw?” tiah a ti hna.

MATTHAI 9:15

Jesuh nih cun, “Nupi ṭhit rawl danghnak puai ah, nupi ṭhitu a um chungah cun zeitindah an sawmmi hna cu ngaihchia in an um lai? Sihmanhsehlaw nupi ṭhitu an sinin aa ṭhen caan kha a phan ve te lai i cu tikah cun rawl cu an ul te ko lai.

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

JOSHUA 7:13

Tho law, mi zapi kha thianter hna, ‘Thaizing ah i thianh u, zeicahtiah Bawipa, Israel Pathian nih, “Maw Israel, nannih lakah pekchanhmi thil an um, nannih lak in cu pekchanhmi thil cu nan hlonh hna hlantiang nan ral hna hmaiah nan dir kho lai lo,” tiah hi bangin a ti,” tiah chim hna.

JOSHUA 8:35

Moses nawl pekmi chungin, Israel mi aa pummi vialte le nu le ngakchia le an sin i a ummi mipem hna hmaiah, Joshua nih a rel lomi bia pakhat hmanh a um lo.

1 SAMUEL 16:5

Cun anih nih, “Daihnak in; Bawipa sin i raithawi awkah ka ra; nanmah kha i thianh u law, raithawinak ah cun ka sinah ra ve u,” tiah a ti hna. Cun Jesse le a fapa hna kha a thianh hna i raithawinak ah khan a sawm hna.