JOEL 2:12 - Lai (Hakha) Common Language Bible 2006

¹² “Atu zong hmanh ah hin, nan lung tak tein i ngaihchih u law, rawl kha ul u law ṭap u law nan ṭang i cum tuah u.

JOEL 2:12 Iomraidhean Croise

2 SAMUEL 24:10

Sihmanhsehlaw mi an rel dih hna hnuah khan David cu lung sivang in a um. Cun David nih Bawipa sinah cun, “Ka tuahmi ah hin fak piin ka sual cang. Sihmanhsehlaw, maw Bawipa, hruhnak piin ka tuah cang caah, na salpa ka ṭhat lonak hi ka hlohpiak ko sawh, tiah kan nawl,” tiah a ti.

2 CHANRELNAK 30:6

Cucaah siangpahrang nawl peknak bang khan ca phortu kha Israel le Judah ram vialte ah khan siangpahrang le a bawi pawl hna ca kha an i phorh i an kal, siangpahrang nih cun, “Maw Israel mi hna, Bawipa, Abraham, Isak le Israel Pathian sinah cun kir ṭhan u law Assiria siangpahrang hna kut in a luatmi nannih a tangmi hna leiah hin aa mer ṭhan ve lai.

2 CHANRELNAK 6:27

nangmah nih an kalnak hnga ding lam ṭha kha na cawnpiak hna tikah, van ah khin rak thei law, na mi Israel mi, na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

EXODUS 33:5

Bawipa nih Moses cu, “Israel mi cu, ‘Nannih cu milungṭhawng nan si. Nan sinah tlawmte hmanh ka kal ahcun kan hrawh dih sual hna lai. Cucaah nan hlawn kha i phoih u law cu tikah nan cung i ka tuah khawhmi kha zeidah a si ti kha ka hngalh lai,’ a ti tiah chim hna,” a ti.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

ISAIAH 58:4

Nan puarhrang zungzal, nan i vel, nan i si lengmang. Hi bantuk rawl ulhnak nih hin nan thlacamnak cu a ka ngaihter lai, tiah nan ruat maw?

JEREMIAH 3:22

Maw a tlaumi ka fale hna, ka sinah ra kir u, Nan tlaunak kha kan damter hna lai. Maw Bawipa, na sinah kan ra, nangmah sinah kan ra; Zeicahtiah nangmah cu kan Pathian na si.

JEREMIAH 36:7

Hi mi hna cungah hin Bawipa nih thinhunnak a nganmi le thinlinhnak a nganmi in bia a chim caah hin, annih nih Bawipa sinah khan zaangfahnak an hei hal phum ko hnga,” tiah a ti.

JEREMIAH 4:1

“Maw Israel, ka sinah ra kir ko, ka sinah ra kir ko, tiah Bawipa nih a ti. Ka hmaika in fih a nungmi na siasal kha na ṭhial hna i pial ti loin na um i,

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

DANIEL 9:3

Cun Bawipa Pathian sinah cun nawlnak in le rawl ulhnak in le buri puan i aih in le vutcam i phulh in thla ka cam i hi bangin sualphuannak kha ka tuah:

HOSEA 12:6

Cucaah atu cu Jakob tefa hna, nan Pathian cu i bochan u law amah sinah khan kir tuah u. Amah sinah khan zumhawktlak in um u law ding tein um ko u, Cun nan Pathian nih rian a ṭuan lai kha thinfual in hngak ko u.

HOSEA 12:7

Israel mi hi Kanaan mi bantukin mihrokhrawl an si, Cuai deu kha an hman hna i mihlen kha an duh.

HOSEA 14:1

Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

JOEL 1:13

Bawipa biakṭheng cungah thawinak a pechantu nannih tlangbawi hna, Ngaihchiatnak thil kha i hruk u law ṭap u, Biakinn chungah khan va kal u law, ngaihchiatnak thilthuam i hruk in zan khua va dei u. Nan Pathian inn chung i pekchanh awkah rawl siseh, mitsur hang siseh, zeihmanh a um lo.

ZEKHARIAH 7:3

Bawipa inn chung i a ummi tlangbawi hna sinah khan le profet hna sinah khan, “Kum hi zat chung riangruang ka tuah tawn bangin, thla nganak thla ah hin ngaihchia le i sum in maw um awk ka si ko rih lai?” tiah an ti awk a si lai.

ZEKHARIAH 7:5

“Ram chung i a ummi mi vialte hna le tlangbawi hna cu, ‘Hi Kum sawm sarih chung, thla nganak thla le thla sarihnak thla i rawl nan ulh i nan ṭah tawn tikah hin, nan rawl ulhnak hi keimah upatnak ca taktak ah maw a si?

MALAKHI 1:9

Nannih tlangbawi hna mithmai ṭha kan pe tuah tiah Bawipa cu hal hnek u, nan thlacamnak cu an let hna lai lo; nanmah palh a si ko lai.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

BIACEIHTU 2:4

Bawipa vancungmi nih hi bia cu Israel mi vialte hna sinah a chim tikah, mi hna cu fak piin an ṭap.

BIACEIHTU 20:26

Cun Israel mi vialte, ralkap bu cu an ningpi in, an hung kal i Bethel an phan i an ṭap; Bawipa hmaiah an ṭhu i khi ni cu zanlei tiang rawl an ul i Bawipa hmaiah khangh thawinak le daihnak thawinak kha an pekchanh.

1 SAMUEL 7:3

Cun Samuel nih Israel chungkhar vialte hna sinah cun, “Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai,” tiah a ti.

1 SAMUEL 7:6

Cucaah Mizpah ah an i pum i ti an than i Bawipa hmaiah an thlet i khi ni cu rawl an ul. Khika ah annih nih, “Bawipa cungah kan sual cang,” tiah an ti. Cun Samuel nih Israel mi cu Mizpah ah bia a ceih hna.