JOEL 2:10 - Lai (Hakha) Common Language Bible 2006

¹⁰ An hmaiah cun vawlei kha aa hnin i van kha an ther, Ni le thlapa kha an mui i arfi kha an ceu ti lo.

JOEL 2:10 Iomraidhean Croise

SALM 114:7

Maw vawlei, Bawipa a rat caah cun ther ko, Jakob Pathian hmaiah cun ther ko.

SALM 18:7

Cun Pathian cu a thin a hun caah vawlei cu aa hnin i a ther; tlang hram hna cu an i hnin i an i sai dih.

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

ISAIAH 34:4

Ni le thlapa le arfi cu an kuai lai i leidip ah an cang lai. Van cu cazual bantukin aa zual lai i arfi cu mitsur ruang hnah ṭilh bantuk le theipi kung hnah tlak bantukin an ṭil lai.

ISAIAH 5:30

Cu ni a phak tikah cun Israel cu an hawhawthnawh lai i an aw cu rili thawng bantuk a si lai. Hi ram hi zohhmanh u! Muihnak le harnak lawng a si ko. Ceunak cu muihnak nih a dolh cang!

JEREMIAH 4:23

Khi tikah vawlei kha ka zoh i, zohhmanh, a rawk dih i a lawngpi a si ko; Vancung khi ka hei zoh hna i an ceunak kha a um ti lo.

JOEL 2:2

Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

AMOS 5:8

Amah cu Likuk-canthum le Fizang kha a ser i, Muihnak kha zinglei ah a cantertu a si; Rili chung ti kha a auh hna i vawlei chungah a thlet hna;

NAHUM 1:5

A hmaiah tlang pipi kha an i hnih i tlang hme deuhdeuh hna kha an i let, A hmaiah vawlei le a cung i a ummi vialte hna cu i tuaibur in an um.

MATTHAI 24:29

“Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

MATTHAI 27:51

Khi tikah Biakinn chung puanzar kha a lu in a taw tiang aa cheu. Vawlei kha aa hnin, lung kha an i cheu i

LAMKALTU 2:20

Bawipa Ni, a sunglawimi ni le a liannganmi ni a phak hlanah khan Ni cu a mui lai i thlapa cu thisen bantukin a sen lai.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

BIAPHUAN 6:12

Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.

BIAPHUAN 8:12

Cun vancungmi palinak nih a muko cu a vun tum, nika cu cheu thum ah cheu khat a beuh i thlapa zong cheu thum ah cheu khat a beuh ve, arfi zong cheu thum ah cheu khat an lo fawn. Cucaah cun an ceunak cu cheu thum ah cheu khat a zor i chun ah ṭhen thum ṭhen khat chung a mui i zan zongah ṭhen thum ṭhen khat chung ceunak a um lo.

BIAPHUAN 9:2

Dongh hngal lo khor cu arfi nih cun a vun hun i somei nganpi chung i meikhu a chuakmi bantuk meikhu kha a hung chuak hluahmah; cu dongh hngal lo khor in a chuakmi meikhu nih cun ni ceunak le thli kha a muihter dih hna.