JOEL 2:1 - Lai (Hakha) Common Language Bible 2006

¹ Zion ah muko kha tum tuah u, Ka tlang thiang cungah launak thawng kha thanh tuah u; Bawipa cu a phak dengmang cang caah Judah ram chung i a ummi vialte cu ther dih hna seh.

JOEL 2:1 Iomraidhean Croise

1 CHANRELNAK 15:28

Cuticun muko le saki le sumsel aw zulh cun Israel mi vialte nih au pah in Bawipa biakamnak kuang cu an hunpi i hla fak piin an sa i tingtang le thonglawi kha fak piin an tum hna.

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

SALM 87:1

Pathian nih tlang thiang cungah a khualipi kha a sak;

EXODUS 10:14

Izipt ram chungah cun an lut ciammam i ram cu a pumpi khah in an khat. Cu zat khaubawk cu an hmu bal hna lo i hmailei zongah an hmu bal ti hna lai lo.

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

ISAIAH 13:9

Bawipa ni cu a ra lio, a thinhunnak le a thinlinhnak ni, ni ṭihnung cu a phan dengmang cang. Vawlei cu ramking ah a cang lai i misual mi paohpaoh cu thah an si lai.

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

JEREMIAH 16:10

“Cun hi mi hna hi hi bia vialte kha na chimh hna tikah an in thawh lai i, ‘Zeicahdah hi a nganmi ṭhat lonak hi kan cung i tlun awkah Bawipa nih nawl a pek? Zei ṭhat lonak dah kan tuah? Bawipa kan Pathian cungah zei sualnak dah kan tuah?’ tiah an ti lai.

JEREMIAH 16:7

Mithi ngai hna cu an hna ngamter awkah ahohmanh nih rawl an dumpi hna lai lo i an nu le an pa nih an thihtakmi hna hmanh kha ahohmanh nih hnangamnak hrai kha an pe hna lai lo.

JEREMIAH 4:5

Ram chung dihlak ah muko kha tum u! Fakpi le fiang tein au u! Judah ram mi Jerusalem khuami kha, Kulhmi khua ah tli u, tiah chim hna u.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

EZEKIEL 12:23

Annih cu thawh hna law mah hihi Bawipa Pathian bia a si, tiah chim hna: Hi phungthluk bia hi ka donghter cang lai; Israel ram chungah theih a si ṭhan bal ti lai lo, a ti. Cun annih cu, ‘Cu caan cu a nai ngaingai cang i langhnak cu a tling taktak lai,’ tiah chim hna, a ti.

EZEKIEL 21:12

“Atu ah mipa, au law awn tuah, zeicahtiah hi thil vialte cu ka mi hna cungah a tla, vainam in thah awkah chanhmi hna Israel bawile hna cungah khan a tla i ka mi hna he an thi ṭi.

EZEKIEL 30:3

Cu ni cu a nai ai cang, Bawipa ni cu a nai ai cang, Cu ni cu khua a dawm ni, miphun hna biaceih ni a si.

EZEKIEL 33:3

Cu pa nih cun ral kha an rat a hmuh i ralrin peknak caah a muko kha a tum i

EZEKIEL 33:6

Sihmanhsehlaw ralvengtu nih ral an rat a hmu nain a muko kha tum lo in zapi kha ralrinnak a pek hna lo ahcun, thahmi paoh kha an sualnak pi he thah chih an si ko lai; sihmanhsehlaw kha hna an thih ruangah khan ralvengtu kha mawhchiat a si lai, a ti.

EZEKIEL 7:10

“Zohhmanh, cu ni, rawhralnak ni cu hika a phan cang, an cungah a kek phut cang. Dinlonak kha a kuhkulul in a hung um cang, ruamkainak kha a par in a par,

EZEKIEL 7:12

Caan cu a tlung cang, cu ni cu a phan cang; cawtu zong i lawmh awk a si lo, zuartu zong i ngaihchih awk a si hlei lo, zeicahtiah an i tuai le an i hmalnak cungah khan a dihlak in ka thin a hung.

DANIEL 6:26

Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —

DANIEL 9:16

Maw Bawipa, nang cu na ding ko, cucaah Jerusalem khua cungah na thin hung ti hlah. Jerusalem cu nangmah khua a si, na tlang thiang a si. Kan sualnak le kan pupa hna nih an rak tuahmi ṭhat lonak ruangah kan pawngkammi hna nih na mi le Jerusalem cu an kan zohchuk cang.

DANIEL 9:20

Cuticun bia ka chim i thla ka cam i keimah ka sualnak le ka mi hna an sualnak cu ka phuan i Bawipa ka Pathian hmaika ah cun a tlang thiang caah cun nawlnak kha ka tuah.

HOSEA 5:8

Gibeah ah muko kha tum u, tuuki kha Ramah ah tum u, Beth-aven ah raltuknak au khan au u law: “Benjamin, nangmah sinah kan ṭang!” tiah ti u.

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

JOEL 1:15

Bawipa ni cu a nai cang; Cu ni cu Bawipa sinin a chuakmi rawhnak ni a si lai. Cu ni cu zeitluk ṭihnung dah a si lai!

JOEL 2:11

Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?

JOEL 2:15

Zion ah muko kha tum tuah u, Rawl ulhnak kha thanh u law biaknak pumhnak kha au tuah u.

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

JOEL 3:14

Biaceihnak Nelrawn ah mi cu a thongthong in an um. Bawipa Ni tuan ah a rat lainak cu khika ah a si lai.

JOEL 3:17

“Khi tikah Israel, nangmah nih keimah cu Bawipa Pathian ka si kha na hngalh lai i A thiangmi ka tlang Zion i ka um kha na hngalh fawn lai. Jerusalem cu khua thiang a si lai i Ramdangmi nih an tei bal ti lai lo.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

AMOS 5:18

Bawipa ni aa hngahhlangmi nannih mihrut hna, Bawipa ni cu nan caah a sullam zeidah a si lai? Muihnak a si lai, ceunak a si lai lo.

AMOS 8:2

“Zeidah na hmuh, Amos?” tiah a ka ti. Cun kei nih ka thawh i, “Ṭhal caan thingthei a hminmi bawm pakhat,” tiah ka ti. Cun Bawipa nih cun a ka thawh i, “Ka mi Israel mi hna caah caan cu a hmin cang. Zeitikhmanh ah ka ngaithiam ṭhan ti hna lai lo.

OBADIAH 1:15

“Miphun vialte kha Bawipa nih bia a ceih hna lai ni a nai cang. Edom, na tuahmi kha na cungah a tlung ve lai; Na tuahmi kha na lu cungah a kir ṭhan lai.

ZEFANIAH 1:14

Bawipa ni a liannganmi cu a nai cang, khulrang in a ra lio; Cu ni a thawngpang cu a khaat in a kha, ralkap ralṭha bik hmanh lungdong in an au.

ZEFANIAH 1:16

Cu ni cu kulhmi khua hna le ralhau sang pipi cung i muko thawng le raltuknak au thawng theih ni a si.

ZEFANIAH 1:7

Bawipa ni cu a nai caah Bawipa hmaiah dai tein um u! Bawipa nih raithawinak kha a timh cang i a sawmmi hna cu a thianter cang hna.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

ZEKHARIAH 14:1

Bawipa nih thil a tuah lai ni a ra lio, nan sinin lakmi hranchaw hna cu nan dir ko lioah khan i phawt an si lai.

ZEKHARIAH 8:3

Cun Bawipa nih, “Atu cu Zion ah khan ka ra kir ṭhan cang i Jerusalem ah khan ka um lai. Jerusalem cu Zumhtlak Khualipi ti a si lai i ralkapbu Bawipa tlang cu Tlang Thiang ti a si lai.” tiah a ti.

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

NAMBAR 10:2

“Ngun muko pahnih in ser tuah; a den in denmi an si lai; mi zapi kawhnak le riahhmun in thawhter hnanak caah na hman lai.

NAMBAR 10:3

Cun an pahnih in tum an si tikah mi zapi cu an dihlak in tonnak thlam innka ah khan nangmah sinah an i pum lai.

1 KORIN 14:8

Cun muko tumtu zong nih fiang tein a tum lo ahcun, ahodah raltuknak hmun ah cun a chuak lai?

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

1THESALON 5:2

Zeicahtiah zan ah mifir an rat bantuk khin Bawipa Ni cu a ra lai ti kha nanmah hrimhrim nih nan hngalh ko.

JEIM 5:8

Nannih zong nan lung a sau awk a si. Ruahchannak sangpi ngei ko u. Bawipa cu a ra dengmang cang.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

BIAPHUAN 6:17

An thinlinh ni ni lianngan cu an phan cang i aho nih dah a celh lai,” a ti.