JOEL 1:18 - Lai (Hakha) Common Language Bible 2006

¹⁸ Rawl a ṭammi tuu hna le caw hna cu heh tiah an awn! Saṭil run cu kalnak hngal loin an um, Zeicahtiah an caah ramhring a um ti lo. Tuurun zong nih khan an in ve.

JOEL 1:18 Iomraidhean Croise

1 SIANGPAHRANG 18:5

Cun Ahab nih Obadiah cu a thawh i, “Ti chuahnak tihram vialte le hor vialte va ṭol awkah ram chungah i chawk tuah; ram hawi hna kan hei hmuh hnga i rang le laa hna hi kan hei khamh khawh sual ko hna hnga i kan saṭil hna hi sung loin kan hei um ko hnga dah kaw?” tiah a ti.

1 SIANGPAHRANG 8:5

Cun Solomon Siangpahrang le Israel mi bu vialte, a hmai i aa pummi hna nih cun amah he kuang hmaiah khan tuu le cawtum tam tuk hringhran an thawi hna caah zeizat an si kha hngalh cawk le rel cawk an si lo.

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

JOEL 1:20

Tiva cu an car dih i ram umnak phong cu mei nih a kangh dih hna caah, Ramlak saram hmanh nangmah sinah an au.

AMOS 1:2

Amah nih cun, Bawipa cu Zion in a rung huk i Jerusalem in khuarit in a rung ri; Tuukhal hna ram hninghno cu an car i Karmel tlangpar cu a ro dih, tiah a ti.

HABAKKUK 3:17

Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, Kawm chung saṭil run kha um loin Saṭil inn ah saṭil kha um hmanh hna hlah seh law,

HAGGAI 1:10

Van nih dap tlakter duh lo le vawlei nih a theitlai a chuah duh lo cu nanmah ṭhat lonak ruangah pei a si cu.

ROM 8:22

Atu caan tiangah hin cun sermi thil vialte cu nau nganfah bantukin an hrum an ai.