JOEL 1:13 - Lai (Hakha) Common Language Bible 2006

¹³ Bawipa biakṭheng cungah thawinak a pechantu nannih tlangbawi hna, Ngaihchiatnak thil kha i hruk u law ṭap u, Biakinn chungah khan va kal u law, ngaihchiatnak thilthuam i hruk in zan khua va dei u. Nan Pathian inn chung i pekchanh awkah rawl siseh, mitsur hang siseh, zeihmanh a um lo.

JOEL 1:13 Iomraidhean Croise

2 SAMUEL 12:16

Cucaah David nih Bawipa kha ngakchia caah cun a nawl; cun David cu rawl a ul i a lut i vawlei ah zan khuadei a ril ko.

1 SIANGPAHRANG 21:27

Cun mah bia cu Ahab nih a theih tikah, a puan kha a thleh hna i a tak cungah puanchia aa hruk i rawl a ul i lungpur ngaiin aa chawk.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

JEREMIAH 4:8

Hi ruangah hin buri i aih u law ṭap u law fak piin ai tuah u, Zeicahtiah Bawipa thinhunnak ṭih a nungmi cu kan sinin aa mer lo.”

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

EZEKIEL 21:12

“Atu ah mipa, au law awn tuah, zeicahtiah hi thil vialte cu ka mi hna cungah a tla, vainam in thah awkah chanhmi hna Israel bawile hna cungah khan a tla i ka mi hna he an thi ṭi.

EZEKIEL 27:31

Na cung i a tlungmi thil ṭhalo ruangah khan an sam an i phawi i buri puan an i aih; Nangmah kha fak piin an in ṭah, lungfak ngaiin an ṭap thluahmah ko.

EZEKIEL 7:18

Buri puan i aih in an i chawk lai i an lu in an ke tiang an ther lai, an hmai cu vawlei kha an bih lai i an lu kha an i kongh dih lai.

HOSEA 9:5

Cun Bawipa puai ni, khual an i telnak puai ni kha a phanh tikah zeidah an tuah lai?

JOEL 2:12

“Atu zong hmanh ah hin, nan lung tak tein i ngaihchih u law, rawl kha ul u law ṭap u law nan ṭang i cum tuah u.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

JOEL 2:17

Bawipa rianṭuantu tlangbawi hna kha innleng le biakṭheng karah khan dir hna seh law ṭap hna seh law, “Maw Bawipa, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

NAMBAR 28:14

An thlet thawinak hna cu cawtum caah mitsur hang hin cheu, tuukawng caah hin cheu thum cheu khat, tuufa caah hin cheu li cheu khat an si lai; mah hihi kum chuak in thla kip i khangh thawinak cu a si.

NAMBAR 28:4

Tuufa pakhat cu zinglei ah nan thawi lai i a dang tuufa pakhat cu zanlei ah nan thawi lai;

NAMBAR 28:7

A thlet thawinak cu tuufa pahnih caah khan, hin cheu li cheu khat veve a si lai; hmunthiang ah khan Bawipa caah thlet thawinak mitsur hang cu na thlet lai.

NAMBAR 29:6

mah hna hi, thlapa thar i khangh thawinak le a changvut thawinak le tlai hlan khangh thawinak le a changvut thawinak le an thlet thawinak an phunglam ningin, rimthaw Bawipa sin i mei in pekchanhmi hleiah an si.

1 KORIN 4:1

Kannih cu Khrih sal, Pathian biathli kengtu ah khan nan kan ruah awk a si.

1 KORIN 9:13

Biakinn chung i rian a ṭuanmi hna nih Biakinn in an rawl kha an hmuh ti le biakṭheng cung i raithawinak a pechanmi hna nih raithawinak sa kha an co ve ti cu nan hngalh.

2 KORIN 11:23

Khrih sal an si maw? Annih nakin sal ṭha deuh ka si — mihrut ka lo ai ne. Anmah nakin fak deuh piin rian ka ṭuan, thong voi tam deuh ka tla, tuknak voi tam deuh ka ing, thihnak ing dengmang in voi tam deuh ka um.

2 KORIN 3:6

biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.

2 KORIN 6:4

Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.