JEREMIAH 9:8 - Lai (Hakha) Common Language Bible 2006

⁸ An lei cu thihnak cantiang a si, an kaa nih hlennak bia a chim; I rem ngaiin an i chawn cio. Sihmanhsehlaw an lung chung cun pakhat le pakhat i foihnak ding khua kha an khang cio.

JEREMIAH 9:8 Iomraidhean Croise

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

SALM 12:3

Maw Bawipa, hlepar fak thiam lei cu daihter law tluang a khawng lengmangmi kaa cu phit hna.

SALM 120:3

Nannih milihchim hna, nan cungah Pathian nih zeidah a tuah lai? Zeitindah dan an tat hna lai?

SALM 28:3

Miṭhalo hna, thil ṭhalo a tuahtu hna sinah khan sual ka phaw hlah — annih cu a bia a thlum ṭung i an lungthin vial huatnak in a khatmi an si.

SALM 35:20

Hawikom bantukin bia an chim lo, daihnak a duhmi hna kha lih a phunphun an puh lehlam hna.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

SALM 62:5

Pathian lawnglawng kha kaa bochan, amah lawnglawng kha kaa ruahchan.

SALM 64:8

An bia nih khan rawhnak a phakpi hna lai i a hmumi paoh nih an lu an thinhnawh hna lai.

PHUNGTHLÛKBIA 25:18

A hawikom cungah a hmaan lomi tehte a simi cu thingtan le vainam le a harmi cantiang bantuk a si.

JEREMIAH 5:26

Zeicahtiah ka mi hna lakah miṭhalo kha an um i Va rap chiahtu nih rap a chiah bantukin rap kha an chiah, Sihmanhsehlaw an rap cu minung foihnak caah a si.

JEREMIAH 5:9

Hi thil hna ruangah hin, dantat loin maw ka um hna hnga? tiah Bawipa nih a ti; Cun hi bantuk miphun cungah hin phuhlam loin maw ka um hnga?

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

JEREMIAH 9:4

Ahohmanh nan innpa kha i ralring cio hna u, nan unau kha zum hna hlah u; Zeicahtiah unau nih unau kha hlen a si i hawikom nih hawikom kha congoih a si.

JEREMIAH 9:5

An hawikom kha lentecelhnak ah an hman hna i Biatak kha an chim bal lo; An lei kha lihchim an cawnpiak hna. An sualnak chungah thuk piin an um i an kir kho ti lo.

MIKAH 6:12

Khuapi chung i mirum mi nih khan sifakmi kha an hrem hna, Cu hna cu mihrokhrawl lawngte an si dih.