JEREMIAH 6:16 - Lai (Hakha) Common Language Bible 2006

¹⁶ Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

JEREMIAH 6:16 Iomraidhean Croise

1 SIANGPAHRANG 8:36

nangmah nih an kal nakhnga ding lam ṭha kha na cawnpiak hna tikah, van ah khin rak thei law na mi Israel mi na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.

2 CHANRELNAK 19:11

Cun zohhmanh u, Bawipa lei thil vialte ah tlangbawi upa bik Amariah cu nan cungah a um; cun siangpahrang lei thil vialte ah Judah innchungkhar uktu Zebadiah, Ishmael fapa cu nan cungah a um; cun Levi mi hna cu nan biaceihtu bawi hme deuh an si lai. Ralṭha tein tuah u law Bawipa cu miding mi hna sinah cun um ko seh!” tiah a ti.

SALM 116:7

Bawipa cu ka cungah a ṭhat caah, maw ka nunnak, hnangam tein um ko.

ISAIAH 2:5

Atu cu, Jakob tefa hna, Bawipa nih a kan pekmi ceunak chungah cun i chawk cang u sih!

ISAIAH 28:12

Dinhnak le hnangamnak kan pek hna lai, tiah nan dihlak in an ti hna, sihmanhsehlaw nannih nih cun nan ngai duh lo.

ISAIAH 30:21

Lam in kehlei orhlei ah nan pial sual ahcun, “Lam cu hika leiah hin a si. Lam kha zul u,” tiah nan hnulei in a aw kha nan theih lai.

ISAIAH 46:9

Hlanpi ah a rak ummi thil kha philh hlah u; keimah lawnglawng Pathian ka si le keimah bantuk a dang pathian ahohmanh an um lo kha hngal peng u.

ISAIAH 57:2

Nuncan ṭha in a nungmi nih cun thihnak ah khan daihnak le dinhnak an hmuh.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

JEREMIAH 18:12

Sihmanhsehlaw annih nih an in thawh lai i, ‘Zeicahdah kan i remh len ko lai? Kan duhning cio paoh in kan tuah cio ko lai i kan lung chungin a chuakmi ning cio paoh in kan um ko lai,’ tiah an in leh lai.

JEREMIAH 18:15

Reu hlah, sihmanhsehlaw ka mi hna nih cun an ka philh; Annih nih siasal menmen hna sinah khan raithawinak an khangh, Annih nih an zulh awk hnga lam a simi ah khan an ril i hlan lam kha an zul ti hna lo; Lam hleng le ser lomi lam tu ah khan an i mer.

JEREMIAH 2:25

Lung tamnak hmun kal kha i sum law Na hrom cu a ti halter loin um ko hen aw. Sihmanhsehlaw naa thawh i, ‘Ka hnabei a dong cang, Ram dang pathian kha ka duh hna i anmah kha ka zulh ko hna lai,’ na ti.

JEREMIAH 22:21

Nan tlam a tlin lioah kan chawnh hna, Sihmanhsehlaw ngaih nan duh lo. Mah hihi nan tlanval lio in nan umtuning a si tawnmi a si; Zeitikhmanh ah ka bia nan ngai bal lo.

JEREMIAH 31:21

“Nan lam chingchiahnak dingah lungpon hnuai hna u, chingchiahnak tung phun hna u; Nan zulh dingmi lam cu fiang tein i hngalh u. Ra kir ṭhan tuah u, Maw Israel mi hna, Nan khua hna ah cun ra kir ṭhan cio tuah hna u.

JEREMIAH 42:3

Bawipa na Pathian nih cun kan kalnak ding lam le kan tuah dingmi thil kha a kan hmuhsak nakhnga thlacam tuah,” tiah an ti.

JEREMIAH 44:16

Kannih kan i hren chihnak biakamnak kha tlinter awkah kan i tim.

JEREMIAH 50:5

Zion lei hoih in cuka kalnak ding lam cu an hal hna lai i, “Ra tuah u, zungzal hmunmi, philh khawh lo ding biakamnak in Bawipa sinah i peh u sih,” an ti lai, tiah Bawipa nih a ti.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

JEREMIAH 7:3

Hi bia hi Ralkapbu Bawipa, Israel mi Pathian bia cu a si: Nan umtuning le nan thil tuahmi kha i remh u law hi hmun ah hin kan umter hna lai.

MALAKHI 4:4

Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u,

LUKA 16:29

Abraham nih cun aa thawh i, “Na unau hna ralrinnak petu dingah cun Moses le profet hna an um ko ṭung; an chimmi kha na unau hna nih cun ngai ko hna ngat seh,” tiah a ti.

JOHAN 12:35

Jesuh nih cun, “Nan sinah hin ceunak cu tlawmpal chung cu a um ko rih lai. Ceunak nan sin i a um chung cu, muihnak nih an phanh hna nakhnga lo, hmailei ah kal lengmang ko u; zeicahtiah mui lak i khual a tlawngmi cu khuazei i an kal kha an i hngal tawn lo.

JOHAN 13:17

Atu cu hi biatak hi nan hngalh cang; nan tuah taktak ahcun zeitluk in dik nan i lawmh lai!

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.

ROM 4:12

Cun cuarpar tanmi hna pa zong a si ve ko, cuarpar an i tan ruangah si loin kan pu Abraham nih cuarpar aa tan hlan i a zulhmi nunning, zumhnak nunning khan an nun ve caah a si.

DEUTERONOMI 32:7

Hlan lio ni kha hngal ṭhan hna law, Chan tampi kum kha ruat tuah hna. Na pa kha hal law, an hmuhsak lai, Na upa hna zong hal hna law, an in chimh lai.

KOLOSE 2:6

Khrih Jesuh cu nan Bawipa ah nan i lak cang caah, amah he i pehtlai in nung u.

HEBRU 11:2

Zumhnak an rak ngeih caah hlanlio mi hna nih khan Pathian cu a lung an rak ton.

HEBRU 6:12

Mi thathu si awk kha kan in duh hna lo, sihmanhsehlaw an zumhnak le an lungsaunak thawngin Pathian nih bia a kamhmi hna a hmumi hna bantuk si awk kha kan in duh hna.

BIACEIHTU 2:17

Asinain annih nih an biaceihtu hna bia cu an ngai hlei lo; annih nih pathian dang sinah khan hlawh an hlang ṭhiamṭhiam ko i annih hmaiah khan an kun ṭhiamṭhiam ko; Bawipa nawlbia a rak ngaimi an pupa hna nih an rak zulhmi lam khan an pial zau i annih tuah bantuk khan an tuah lo.