JEREMIAH 5:21 - Lai (Hakha) Common Language Bible 2006

²¹ Maw mihrut le ruahnak a ngei lomi hna, mah hihi thei tuah u, mit a ngei nain khua a hmu lomi hna, hna a ngei nain khua a thei lomi hna.

JEREMIAH 5:21 Iomraidhean Croise

SALM 94:8

Ka mi hna, zeitindah cu tluk cun nan hruh khawh? Zeitik ah dah nan hngalh khawh te lai?

PHUNGTHLÛKBIA 17:16

Mihrut caah cun tangka hi zei san dah a tlaih? Fimnak a ngeih lo ahcun fimnak cu a cawk khawh lai maw?

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

ISAIAH 43:8

Pathian nih aa thawh i, “Ka mi cu biaceihnak hmun ah au hna u. Mit cu an ngei, sihmanhsehlaw khua an hmu lo, hna cu an ngei, sihmanhsehlaw khua an thei lo.

ISAIAH 44:18

Cu bantuk mi cu an hrut tuk, kan tuahmi kha zei a si ti awk an hngal lo. Biatak hngalh kha an duh lo, an mit an chinhkanh i an lungthin an kharkanh.

JEREMIAH 10:8

Annih cu an dihlak in mihrut an si i an nga fawn; An fimnak pakpalawng cu thingtum sinin an cawnmi a si.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

JEREMIAH 5:20

Mah hihi Jakob innchungkhar kha va chim hna u, Judah ram chungah aupi tuah u:

JEREMIAH 5:4

Khi tikah kei nih kaa thawh i, “Mah hna hi cu misifak mi hrut men an si, Bawipa lam kha a hngal lo i An Pathian phungbia kha a hngal lomi an si;

JEREMIAH 6:10

Cun kei nih ka leh i, “Aho nih dah ka chawnh hna le ralrinnak ka pek hna tikah ka bia an ngaih duh lai? Annih nih an hna an i phih cang i an ngai bal lai lo. Na bia cu ngaih an duh lo i na chimmi cu nihchuak ah an rel.

JEREMIAH 7:13

Cun atu cu hi thil vialte hi nannih nih nan tuah ve, tiah Bawipa nih a ti; nannih sinah ngol lo tein bia ka chim, sihmanhsehlaw nan ngai duh lo, kan auh hna zongah nan ka let duh lo.

JEREMIAH 8:7

Van i a zuangmi vaca nih khin amah a kai caan te kha a hngalh i Ṭhuro le laiphudit le langta hna nih anmahle an kir caan te kha an hngalh cio, Sihmanhsehlaw ka mi hna nih cun ka phunglam kha an hngal lo.

EZEKIEL 12:2

“Mipa, na umnak mi hi ralthawh hmangmi an si. Mit an ngei nain khua an hmu lai lo i hna an ngei nain khua an thei lai lo, zeicahtiah mi dohhmang an si.

HOSEA 7:11

Efraim hi laileng hrutte a si, Atu ah Izipt kha a vun auh, atu lila ah Assiria leiah khan aa mer ṭhan.

ZEKHARIAH 7:11

Sihmanhsehlaw ngaih an duh lo, zeirello in keimah kha an ka hnuhoih, an hna kha an i phih i theih an duh lo.

MARKA 4:12

Cucaah Cathiang nih a chim bantukin, an zoh lengmang ko lai nain zeihmanh an hmu lai lo; an thei lengmang ko lai nain zeihmanh an hngal lai lo, zeicahtiah an hmuh i an hngalh sual ahcun Pathian lei ah an i mer sual lai i an sualnak kha a ngaihthiam sual ai hna hnga,” tiah a ti.

MARKA 8:18

Cuticun maw nan lung a pin ko? Mit nan ngeih ko ṭung, nan hmu kho lo maw? Hna nan ngeih ko ṭung, nan thei kho lo maw?

JOHAN 12:40

“Pathian nih an mit a cawtter hna i an lung a pinter hna, ‘Cu ti a si lo ahcun an mit nih khua a hmu sual hnga i an lung nih khua a hngal sual hnga i, Damnak hmuhnak ding caah keimah leiah an i mer sual hnga,’ tiah Pathian nih a ti,” tiah a ti fawn.

LAMKALTU 28:26

A chimmi cu: Va kal law hi mi hi va chim hna, A ngaih cu nan i ngaih sek ko lai, sihmanhsehlaw nan hngal lai lo; A zoh cu nan i zoh sek ko lai, sihmanhsehlaw nan hmu lai lo.

ROM 1:20

an hmu duh lo, cucaah dan a tat hna. Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a ṭhawnnak le a Pathian sinak kha, fiang tein a langhter ko. Cucaah i silhnalh khawhnak zeihmanh an ngei lo!

ROM 11:8

Cathiang nih, “Pathian nih an lung a pinter hna; nihin ni tiang hrimhrim hin an mit in an hmu kho lo i an hna in an thei kho lo,” a ti bang khan a si taktak.

DEUTERONOMI 29:3

cu hna cu nan mit nih an hmuhmi hneksaknak ngan pipi hna le hmelchunhnak hna le khuaruahhar ngan pipi hna an si.

DEUTERONOMI 29:4

Sihmanhsehlaw nihin ni tiangin hngalhthiamnak lungthin siseh, hmuhnak mit siseh, theihnak hna siseh Bawipa nih an pe hna lo.

DEUTERONOMI 32:6

Nannih mihrut le minga hna, Bawipa cu hi bantukin nan rulh lai maw? Amah cu na pa, nangmah an ser, an siam i An fehtertu a si lo maw?