JEREMIAH 4:3 - Lai (Hakha) Common Language Bible 2006

³ Bawipa nih hi bangin Judah ram mi hna le Jerusalem khua chung mi hna sinah a ti: Nan dinhtermi vawlei cu let u law hling lakah thlaici tuh hlah u.

JEREMIAH 4:3 Iomraidhean Croise

GENESIS 3:18

Hlingbur le belh kha an kho tung lai i ramlak thingram kha na ei a hau lai.

EXODUS 23:11

Sihmanhsehlaw kum sarihnak kum ah cun nan dinhter hna lai i an chungin a chuakmi kha nan la hna lai lo. Cuka i a vuimi cu nan lak i a ummi nan misifak nih i lak hna seh law an nganhmi cu saram nih ei hna seh. Nan mitsur dum le oliv dum zong cu bantuk ṭhiamṭhiam in nan tuah lai.

HOSEA 10:12

Annih cu ka thawh hna i, “Nan caah dinnak kha i tuh u law keimah lei i nan ṭannak nih a chuahpimi thluachuahnak kha zun tuah u. Nan dinhtermi vawlei kha ṭuan cang hna u, Zeicahtiah atu cu Bawipa keimah leiah i mer caan a si cang i ka ra lai i thluachuahnak kan pek hna lai,” tiah ka ti.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

MATTHAI 13:7

Cun thlaici a cheu cu hling lakah an tla. Hling nih cun a zual hna i an ṭhang kho lo.

MARKA 4:7

Thlaici a cheu cu hling lakah an tla, hling cu an ṭhang i an ṭem hna i theipar an ngei kho lo.

LUKA 8:14

Hling lakah a tlami thlaici cu hi mi hna bantuk hi an si: Pathian bia cu an theih nain khuaruahhar vansannak le rumnak le nuamhnak nih a rialdip hna tikah an thei a hmin kho lomi kha an si.

LUKA 8:7

Thlaici a cheu cu hling lakah an tla, hling he cun an kho ṭi i hling nih cun a thah hna.