JEREMIAH 4:10 - Lai (Hakha) Common Language Bible 2006

¹⁰ Cun kei nih ka thawh i, A, Bawipa Pathian, hi mi hna le Jerusalem khua cu, ‘Daihnak nan hmu lai,’ tiin na rak timi hna kha na hlen diam hna a si ko, zeicahtiah vainam tu nih pei an nunnak cu a chunh kun hna hi, ka ti.

JEREMIAH 4:10 Iomraidhean Croise

EXODUS 5:22

Cun Moses cu Pathian leiah khan aa mer ṭhan i, “Bawipa, zeicahdah hi mi hna hi, hi ti hin na hrem hna? Zeicahdah keimah hi na rak ka thlah?

EXODUS 9:14

Atu cu dantatnak vialte kha keimah hrimhrim nih nangmah cung le na bawi pawl cung le na mi hna cungah ka tlunter lai, cu ti in ka tuah lai cu vawlei cung dihlak ah hin keimah bantuk pathian dang ahohmanh an um lo ti kha na hngalh nakhnga caah a si.

ISAIAH 30:10

Profet pawl kha, dai tein um ko u, an ti hna. An thawh hna i, “Zeidah a ding ti kha kan chim hlah u, theih kan duhmi kha ta nan kan chimh ko. Kan i ruahning in va um ko u sih.

ISAIAH 37:35

Keimah nih upatnak ka hmuh nakhnga le ka sal David sin i biakamnak ka rak sermi ruangah khan, hi khua cu ka hum lai i ka huhphenh lai,” a ti.

ISAIAH 63:17

Zeicahdah na lam zul loin na kan pialter? Zeicahdah kan lung na kan hahter i nangmah cu kan in mertak? Nangmah na rian a ṭuanmi hna ruangah le nangmah mi a si zungzal komi hna ruangah, ra kir ko sawh.

JEREMIAH 1:6

Khi tikah kei nih ka thawh i, “Aa, Bawipa Pathian! Zohhmanh, ngakchiate men ka si i biachim ka thiam lo,” tiah ka ti.

JEREMIAH 23:17

Bawipa bia zei ah a rel lomi kha an thawh hna i, ‘Khuaawng na tong lai,’ an ti hna; An lung a khonning cio in a kalmi hna kha an thawh hna i ‘Na cungah vanchiatnak a tlung lai lo,’ an ti hna.

JEREMIAH 32:17

‘Maw Bawipa Pathian, Na ṭhawnnak a nganmi le samhmi na ban in van le vawlei hi na ser hna; nangmah caah a si kho lomi thil zeihmanh a um lo.

JEREMIAH 4:18

Na umtuning le na thil tuahmi nih mah hihi na cungah an tlunter, Mah hihi na dantatnak a si i Mah thil vialte hi na ka doh ruangah an chuak.

JEREMIAH 5:12

Bawipa a um kha an zum lo i, ‘Amah cu a um lo, Kan cungah ṭhat lonak zeihmanh a tlung lai lo; Vainam siseh, mangṭam siseh, kan tong lai lo.

JEREMIAH 6:14

Ka mi hna cu, an hma kha an menpiak ko hna, Sihmanhsehlaw a leng parpavuan lawng in a si; ‘A dam ko lai,’ an ti, zeidah a dam ko lai? Zeihmanh a dam lai lo!

JEREMIAH 8:11

Ka mi hna cu an hma kha an menpiak ko hna, sihmanhsehlaw a parpavuan lawng a si, ‘A ṭha dih ko lai,’ an ti, A ṭha dih ko lai? Zei cu dah a ṭha dih ko hnga?

ṬAHNAK HLA 2:21

Khuachung lam ah khin mino he micang he an ril liangluang ko. Ka ngaknu thiang hna le ka tlangval hna cu vainam le rai in an tlu cang; Nangmah nih na thinhun ni ah na thah hna i zaangfahnak um loin na thah hna.

EZEKIEL 11:13

Bia ka chim lengmang lioah cun Benaiah fapa Pelatiah cu a thi; cun ka bawk i fak piin ka ṭap i, “Maw Bawipa Pathian, a tangmi Israel mi vialte kha an donghnak na phakter dih ko hna lai maw?” tiah ka ti.

ROM 1:24

Cuticun minung cu, cu bantuk mihrut cu an si caah, Pathian nih khan, an lungthin nih tuah a duhmi thil fihnung kha a tuahter ko hna i pakhat le pakhat cungah ningzak thil kha an tuah.

ROM 1:26

Cuti an tuah caah cun, minung cu Pathian nih ningzak a simi pumsa duhnak ah khan a thlah hna. Nu hmanh nih khan ningcang tein hman awk a simi an nu sinak cu ningcang lo piin an hman i pakhat le pakhat kha an sual.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.