JEREMIAH 39:3 - Lai (Hakha) Common Language Bible 2006

³ Jerusalem cu an lak tikah Babilon siangpahrang i a bawi vialte hna cu an ra i a laifang kutka ah khan an ṭhu: Samgar mi Nergal-sharezer, tilditmi lak upa bik Nebo-sarsekim, hmaisuang ralkapbu haotu Nergal-sharezer le Babilon siangpahrang i a bawi dang vialte hna cu an si.

JEREMIAH 39:3 Iomraidhean Croise

2 SIANGPAHRANG 17:30

Babilon mi nih Sukkoth-benoth an ser, Kuth mi nih Nergal an ser, Hamath mi nih Ashima an ser i

JEREMIAH 1:15

Zeicahtiah zohhmanh, chaklei ram hna chung i a ummi miphun vialte kha ka kawh hna, tiah Bawipa nih a ti; cun annih cu an ra lai i Jerusalem kutka luhnak hna ah khan le a velchum vampang vialte hna pawng le Judah ram khua vialte ah khan an bawiṭhutdan cu an chiah cio hna lai.

JEREMIAH 21:4

hihi Bawipa, Israel Pathian bia cu a si tiah Zedekiah cu va chim u: “Babilon siangpahrang le Khaldi mi hna, khua kulhnak hau lengin an kulhtu hna na dohnak nangmah hriamnam lila kha na cungah ka tlunter hna lai. Annih cu hi khuapi a laifang ah hin ka luhpi hna lai.

JEREMIAH 38:17

Khi tikah Jeremiah nih Zedekiah cu, “Hi bangin Bawipa, Ralkapbu Pathian, Israel Pathian nih a ti: Babilon siangpahrang i a bawi hna sinah hin naa pek ahcun na nunnak cu zuah a si lai i hi khua hi mei in khangh a si lai lo, nangmah le na innchungkhar cu nan nung lai.

JEREMIAH 39:13

Cucaah ralvengtu haotu Nebuzaradan nih, tilditmi upa bik Nebushazban le hmaisuang ralkap haotu Nergal-sharezer le Babilon siangpahrang bawi hna lak i upa bikbik kha a thlah hna i

EZEKIEL 26:10

A rangcung ralkap hna nih an hmanmi rang a thongthong hna nih leidip in an in khuh dih lai i Mi nih a pem ciami khua ah an luh bantukin na kutka chungah an luh tikah, A rangtum khuarit in a rimi hna le, A rangleng kekual hna thawng ah cun na vampang hna cu an i hnin dih lai.