JEREMIAH 32:5 - Lai (Hakha) Common Language Bible 2006

⁵ Zedekiah cu Babilon ah an kalpi lai i khika ah a cung i rian ka ṭuan hlantiang a um lai. Babilon mi kha do hmanh hna seh law, a tei hna lai lo, tiah Bawipa nih a ti, tiah Jeremiah cu na chim”, tiah Zedekiah Siangpahrang nih cun a ti i cucaah khika ah khan thong i a thlaknak cu a si.

JEREMIAH 32:5 Iomraidhean Croise

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

2 CHANRELNAK 24:20

Khi tikah tlangbawi Jehoiada fapa Zekhariah kha Pathian thlarau nih a tlunhnawh i mizapi cungah cun a dir i a thawh hna i, “Hi bangin Pathian nih, ‘Zeicahdah Bawipa nawlbia kha nan buar? Cucaah pei khua awng nan pemh khawh lo cu. Nannih nih Bawipa kha nan hlawt caah amah nih an hlawt ve hna,’ a ti,” tiah a ti.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

JEREMIAH 2:37

Izipt ram in hmaichia in nan kir ko lai, Zeicahtiah nan i bochanmi cu Bawipa nih a hlawt cang hna i Anmah thawng in khuaawng zeihmanh nan pem lai lo.

JEREMIAH 27:22

Babilon ah kalpi an si lai i ka auh ṭhan hna hlantiang khika ah an um lai, tiah Bawipa nih a ti; cun ka kirpi ṭhan hna lai i hi hmun ah hin ka chiah ṭhan hna lai, a ti fawn.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 32:6

Jeremiah nih cun, “Bawipa bia ka sinah a ra phan i,

JEREMIAH 33:5

“Cun nan va chuah; nan va tukmi hna nih cun ka thin hun le ka thin linh in ka tuk laimi hna ruak khan hi khua hi an khahter lai i cu vial ceo cu a si ko lai. A chung i a ummi minung hna nih ṭhat lonak an tuahmi ruangah hi khua cu ka mertak cang.

JEREMIAH 37:10

Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho ṭhan lai i hi khua cu mei in an khangh ṭhiamṭhiam ko lai,’ a ti, na ti lai,” tiah a ti.

JEREMIAH 39:4

Judah siangpahrang Zedekiah nih a hmuh hna tikah, amah a cawngtu ralkap hna he cun an zam i zan ah siangpahrang dum lam khan, Vampang Pahnih Karlak timi kutka khan an le. Arabah leiah khan an zam,

JEREMIAH 39:5

sihmanhsehlaw Khaldi mi ralkap hna nih khan an dawi hna i Jeriko nelrawn ah khan Zedekiah cu an phanh. Siangpahrang cu an tlaih i Hamath ram Riblah khua ah Babilon siangpahrang Nebukhadnezzar hmaiah khan an ratpi i a hmaiah cun a kong kha aa chim.

JEREMIAH 39:7

Cun Zedekiah cu a mit an khoih i Babilon i kalpi awkah dar hreng an khenh.

ṬAHNAK HLA 1:14

Ka palhnak cu ka cungah ṭem chih an si i Amah kut hrim nih ka velchum in a ngerh hna; A hngawngkual cu ka hngawng ah khan a ka khinh i A rih tuk caah ka tha nih a celh lo; Cu ti i a ka khinh bu cun Bawipa nih a ka kaltak i ka dir kho lo.

EZEKIEL 12:12

An siangpahrang fapa nih khan thil kha mui ah aa khinh lai i a chuahnak ding ca i an sermi awng khan a chuak lai, amah cu ahohmanh nih an hmuh khawh nakhnga lo le amah zong nih vawlei kha a hmuh khawh nakhnga lo, a hmai kha aa khuh lai.

EZEKIEL 12:13

Sihmanhsehlaw ka sur in ka vorh lai i aa awh lai. Khaldi mi hna umnak Babilon ram ah khan, a hmu lai lo nain ka kalpi lai; cun khika ah khan a va thi lai.

EZEKIEL 17:15

Asinain Judah siangpahrang kha ral a tho i rang le ralkap tampi hal awkah Izipt ram ah khan lamkal a thlah hna. Cu bantuk mi cu a hlawh a tling kho hnga maw? Hi bantukin a tuah caah rawhnak cu a luat kho lai maw? Biakamnak kha hrawk in a luat kho hnga maw?

NAMBAR 14:41

Sihmanhsehlaw Moses nih, “Zeicaahdah atu ah Bawipa nawlbia kha nan buar, zeitintiah mah cucu santlai ding a si ṭung lo?