JEREMIAH 3:2 - Lai (Hakha) Common Language Bible 2006

² Tlangpar kolh khi hei cuan hna u law zoh hna hmanh u, Khuazei ah khin dah it ṭi loin nan um? Ramlak i Arab mi hna bantukin an duhtu hna kha hngak in lam pawngah nan ṭhu. Hlawhhlan ṭhalo nan tuahnak thawngin ram kha nan thurhhnawmh cang.

JEREMIAH 3:2 Iomraidhean Croise

GENESIS 38:14

Cucaah a nuhmei thilthuam aa hrukmi kha aa thleng i hmaikhuh puan aa khuh i Timnah lei kalnak lam i a ummi Enaim khua luhnak hauka ah khan a rak ṭhu. Shelah cu a upa cang nain an ṭhitter duh lo ti kha a hngalh.

1 SIANGPAHRANG 11:3

Nupi za sarih, bawi fanu, le nuchun za thum a ngei hna i a nupile nih cun a lung cu an pialter.

2 SIANGPAHRANG 23:13

Jerusalem nichuahlei, rawhralnak tlang in thlanglei i a ummi khuahrum bo hna kha siangpahrang nih cun a thurhnawmhter hna; mah cucu Israel siangpahrang Solomon nih Sidon mi pathian fihnung Ashtoreth le Moab mi pathian fihnung Khemosh le Ammon mi pathian fihnung Milkom ca i a sermi kha an si.

SALM 106:38

a sual lomi an fanule le an fapale hna cu an thah hna i Kanaan mi siasal hna sinah khan raithawinak ah an pek hna; hi ti an thah hnanak nih hin vawlei kha a thurter.

PHUNGTHLÛKBIA 23:28

Mifir bangin mi a bawh hna i a va kha pa pakhat hnu pakhat sinah a rawi lengmang.

PHUNGTHLÛKBIA 7:11

Inn tang loin chawh lengmang a duhmi nu a si, Lamṭe kip khan mi kha a bawh hna.

JEREMIAH 12:12

Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 2:23

Zeitindah, ‘Kaa thurhhnawmh lo, Baal kha ka zul hna lo,’ na ti khawh? Nelrawn i na kalnak na lam khi zoh ngat; Na thil tuahmi kha philh hlah ngat. Hrem khawh lomi kalauk-la, a tlik tik i a ping le a pang i a tlimi,

JEREMIAH 2:7

Keimah nih thil tampi a chuahnak ram ah, A theitlai hna le a thil ṭha hna kha ei awkah kan luhpi hna. Sihmanhsehlaw nan rung luh tikah ka ram kha nan thurhhnawmh i Ka ro kha fihnung ah nan ser.

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

JEREMIAH 3:21

Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

JEREMIAH 3:9

Zeihmanh ruahnak ngei loin hlawh a hlan le vacung pa duh bantuk a simi lung le thing a biaknak thawng khan ram cu a thurter.

JEREMIAH 7:29

Maw Jerusalem, Pathian sin i naa peknak hmelchunhnak na sam kha i met law hlonh tuah; Tlang par kolh ah khin va ṭap tuah, Zeicahtiah a thin a huntertu chan kha Bawipa nih a hlawt cang i a kaltak cang hna,’ na ti lai.

EZEKIEL 16:16

Na thilthuam kha naa lak hna i ṭheng kha dawh ngaiin naa ser i naa ṭamh i cuka ah cun nu le pa sualnak kha na tuah; naa dawh ruangah amah ta si awkah amah he cun na sual.

EZEKIEL 20:28

Annih cu kan pek hna lai tiah kut hler in chiat ka sermi ram i ka luhpi tik hna ah tlangbo kip le thingkung a hnah a ṭhami paoh kha an i chingchiah i khika ah khan an raithawinak kha an tuah hna, ka thin a ka phoktu an laksawng kha an pekchanh hna i an rim thaw thawinak le an thlet thawinak kha an hun hna.

HOSEA 2:5

An nu kha hlawhhlangnu a si ai, Annih a pawitu hna cu ningzah a hngal lomi, Aa thawh i, “A ka duhtu cu ka dawi ko hna lai; rawl le din awk le sahmul le laa le chiti le zihmui an ka pek paoh ahcun,” a timi kha a si.

LUKA 16:23

Mirumpa cu Hell chungah a tla i nganfak ngaiin a um; cunglei hi a hun zoh i lamhlapi ah khin Abraham le a pawng i Lazaruh kha a hun hmuh hna.

DEUTERONOMI 12:2

Nan va pawnchuah laimi miphun hna nih a sangmi tlang hna cung le mual hna cung le thingkung hring kip toi i an pathian hna an biaknak hmun vialte cu nan hrawh dih hrimhrim hna lai;