JEREMIAH 26:3 - Lai (Hakha) Common Language Bible 2006

³ Annih nih an hei ngaih phum in an lam ṭha lo cio khan an hei i mer phum ko hmanh hnga maw. Cu ti a si ahcun ṭhat lonak an tuah ruang i an cung i ṭhat lonak tuah ka timhmi kha kaa let ko hnga.

JEREMIAH 26:3 Iomraidhean Croise

1 SIANGPAHRANG 21:27

Cun mah bia cu Ahab nih a theih tikah, a puan kha a thleh hna i a tak cungah puanchia aa hruk i rawl a ul i lungpur ngaiin aa chawk.

1 SIANGPAHRANG 21:29

“Zeitindah Ahab nih ka hmaiah lungṭhum ngaiin a um kha na hmu ko lo maw? Ka hmaiah a lung a ṭhumh caah ṭhat lonak kha amah chan ah hin cun ka tlunter lai lo; sihmanhsehlaw a fapa chan ah a innchungkhar cungah hin ṭhat lonak kha ka tlunter lai,” tiah a ti.

JEREMIAH 26:13

Nannih nan lam le nan tuahnak kha nan i remh i Bawipa nan Pathian kha a nawl nan ngaih ahcun, a lung aa let lai i, nan cungah ka tlunter lai ti in an hro hnanak ṭhat lonak kha a lak ṭhan lai.

JEREMIAH 26:19

Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a ṭih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let ṭhan. Asinain, kannih cu kan cungah ṭhat lonak nganpi kan i tlunter hnik,” tiah an ti.

JEREMIAH 36:3

Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti.

JEREMIAH 36:7

Hi mi hna cungah hin Bawipa nih thinhunnak a nganmi le thinlinhnak a nganmi in bia a chim caah hin, annih nih Bawipa sinah khan zaangfahnak an hei hal phum ko hnga,” tiah a ti.

EZEKIEL 12:3

Cucaah mipa, an mit hmuh hrimhrim ah chun ah lam ca i na herh ding kha i tim law khualtlawn ah cun i thawh tuah. Na inn kha na kaltak i an hmuhhngan ah ral taannak chungah na kal tikah hin, annih nih mi dohhmang kan si ti kha an hei hngalh hmanh hnga maw.

EZEKIEL 18:21

“Cun miṭhalopa nih a ṭhat lonak vialte kha a hlawt hna hnga i ka nawlbia vialte kha a tuah hna hnga i a dingmi le a hmaanmi thil kha a tuah ko hna hnga. Cu pa cu a nung lai; a thi lai lo.

HOSEA 11:9

Ka thinhun in kan hrawk lai lo, Israel cu ka hrawk ṭhan lai lo. Zeicahtiah kei cu Pathian ka si, minung ka si lo. A Thiang Mi Keimah cu nan sin i a ummi hi ka si, Nan sinah thinhun in ka ra lai lo.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.