JEREMIAH 23:10 - Lai (Hakha) Common Language Bible 2006

¹⁰ Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

JEREMIAH 23:10 Iomraidhean Croise

EZRA 10:18

Tlangbawi fapa hna lakah ramdang nu a ṭhimi hna cu Maaseiah, Eliezer, Jarib, le Gedaliah an si, annih cu Jozadak fa Jeshua le a unau hna i fapa chung mi an si.

SALM 107:34

Vawlei ṭhatnak hmun cu, cite vawlei, vawlei ṭhalo ah a canter, zeicahtiah cuka i a ummi hna cu an ṭha lo.

ISAIAH 24:6

Cucaah Pathian nih vawlei cu hrawh awkah khan vawlei cu chiat a serh, vawleicung mi nih an sual man kha an in. A tangmi cu an tlawm chin lengmang.

ISAIAH 5:18

Nan lo cang! Nan sualnak kha nan i hlitphuak kho ti lo.

JEREMIAH 12:11

Ṭiaotakmi hmun, ram pakpalawng le ti um lonak hmun ah an ser i ka ngaih a chia. Ram cu a ning piin thetse ram ah a cang cang, sihmanhsehlaw ahohmanh an zei a poi lo.

JEREMIAH 14:2

“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 6:13

Annih cu a hme bik in a ngan bik tiang, hrokhrawl in hmuhmi miaknak kha a duhmi an si; Profet le tlangbawi hna hmanh kha lih in rian a ṭuanmi an si.

JEREMIAH 7:9

Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 9:12

Zeicahdah hi ram cu ram thi ah a can i thetse ram bantukin a ro i aho pal lomi a si? Hi kong hngalhnak caah hin ahodah a fimnak aa zami cu a si? Midang kha a chimh khawh hna nakhnga ahodah Bawipa nih lungthin a cheuhmi cu a si? tiah Jeremiah nih a ti.

JEREMIAH 9:2

Thetse ram ah khin riahbuk pakhat ngei ning law ka hei duh hnga dah. Ka mi hna hi ka chuahtak hna hnga i ka kaltak diam hna hnga. An dihlak in va cung pa duh an si, rawi hmangmi aa bumi an si.

HOSEA 7:4

An dihlak in va cung in pa aa duhmi an si. Changreu sertu nih changreu rawhnak ah mei a tih i changvut cet a nawnmi kha a thawh lioah mei cu tawngtham lo tein a um caah changreu rawhnak cu a lin ngaingai, cu bantukin a linmi changreu rawhnak bantuk cu an si.

JOEL 1:10

Lo cu a lawng piin a um ko, a romi vawlei cu a ṭah in a ṭap; Zeicahtiah rawl cu a rawk cang, mitsur hang thar cu ruahchan awk zeihmanh a um lo i chiti cu a car ko.

LEVITIKAS 5:1

“Ahohmanh nih thil a hmuhmi ah siseh, a hngalhmi ah siseh, hngaltu a si i zapi hmaiah chiatsertertu aw a theih zongah a chim duh lo ahcun, a sual a ṭhat lonak kha amah nih a in lai.

ZEFANIAH 3:4

A profet hna cu mihrokhrawl, profet taktak a si lomi an si, A tlangbawi hna nih hmunthiang kha an thurhhnawmh i phung kha an duhnak leiah an merh.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

1TIMOTE 1:10

nu le pa sualnak a tuahmi hna le nu le pa kong ah ningcanglo in khua a sami hna le minung fir a hmangmi hna le lihchim a hmangmi hna le tehte dinglo a simi hna le cawnpiaknak ahmaanmi he aa tlak lomi thil a tuahmi hna ca tu ah khan tuah a si.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.