JEREMIAH 21:8 - Lai (Hakha) Common Language Bible 2006

⁸ Cun Bawipa nih Jeremiah cu a thawh i, “Hi miphun cu hi tiin na chimh fawn hna lai. Hi bangin Bawipa nih a ti: Zohhmanh u, nunnak lam le thihnak lam i thim awkah kan pek hna.

JEREMIAH 21:8 Iomraidhean Croise

PHUNGTHLÛKBIA 12:28

Dinnak cu nunnak lei kalnak lam a si, Hruhnak cu thihnak lei kalnak lam a si.

JEREMIAH 38:17

Khi tikah Jeremiah nih Zedekiah cu, “Hi bangin Bawipa, Ralkapbu Pathian, Israel Pathian nih a ti: Babilon siangpahrang i a bawi hna sinah hin naa pek ahcun na nunnak cu zuah a si lai i hi khua hi mei in khangh a si lai lo, nangmah le na innchungkhar cu nan nung lai.

DEUTERONOMI 11:26

“Zohhmanh, nihin ah hin nan hmaiah thluachuahnak le chiatserhnak ka chiah:

DEUTERONOMI 30:15

“Zohhmanh, nihin ah nannih hmaiah nunnak le ṭhatnak, thihnak le vanchiatnak kha ka chiah.

DEUTERONOMI 30:19

Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga —