JEREMIAH 12:11 - Lai (Hakha) Common Language Bible 2006

¹¹ Ṭiaotakmi hmun, ram pakpalawng le ti um lonak hmun ah an ser i ka ngaih a chia. Ram cu a ning piin thetse ram ah a cang cang, sihmanhsehlaw ahohmanh an zei a poi lo.

JEREMIAH 12:11 Iomraidhean Croise

PHUNGCHIMTU 7:2

Mithi ṭahnak inn i va kal khi rawl danghnak inn i va kal nakin a ṭha deuh; zeicahtiah thihnak nih a kan hngah cio ko ti hi minung nih kan hngalh zungzal awk a si.

ISAIAH 42:25

Cucaah cun a thinhun ṭhawnnak kha a kan inter i ral hremnak kha a kan tuarter. Israel mi hna lakah a thinhunnak cu mei alh in a alh, sihmanhsehlaw zei thil dah a um ti kha kan hngal lo, kan i cawn khawhmi zong zeihmanh a um fawn lo.

ISAIAH 57:1

Miṭha kha an thi, sihmanhsehlaw an thih cu ahohmanh nih zei ah an rel lo, a hngalh hmanh an hngal lo. Asinain an thih ah khan harnak nih fahnak a pek khawh ti hna lonak hmun ah an kal a si.

JEREMIAH 10:22

Ngaihmanh, bia chawkvai pakhat a rung thang, A thawng a ngan chin lengmangmi thawngpang cu chaklei ram in a rung; Judah ram khua hna cu ṭhio awk le cenghngia riahhmun i ser awkah a rami ralkapbu thawng a si.

JEREMIAH 10:25

Nangmah an hngal duh lomi miphun hna cungah le Na min an au lomi miphun hna cungah, na thinhunnak cu bung tuah; Zeicahtiah Jakob cu an ei cang i an lim cang, A inn cu an hrawh cikcek cang.

JEREMIAH 14:2

“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 19:8

Cun hi khua hi mi thla a hlauhmi khua le cekcekhnawh thluahmah awk khua ah ka ser lai; a cung i ṭhat lonak a tlungmi vialte ruangah hin a pawng i a kalmi paoh cu an thla a hlauh hna lai i an cekcek len lai.

JEREMIAH 23:10

Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

JEREMIAH 25:11

Kum sawm sarih chung hi ram hi ningzak le tuksapur in a um lai i hi miphun hna nih hin Babilon siangpahrang cu an rianh lai.

JEREMIAH 4:20

Chiatnak nih chiatnak kha a hun zulh colh, Ram cu a ningpi in a rawk. Ka thlam hna cu an tlu i an khuhnak puan hna cu an tlek dih cikcek.

JEREMIAH 4:27

Bawipa nih hi bangin a ti, “Ram cu a ning piin a ṭiao dih lai, Sihmanhsehlaw a donghnak taktak cu ka phakter lai lo.

JEREMIAH 4:28

Cucaah vawlei cu a ngaih a chia lai i cunglei van hna cu an nak dih lai; Keimah nih ka chim cang i ka timh cangmi a si caah Kaa ngaihchih lai lo i ka lung zong kaa let lai lo.”

JEREMIAH 6:8

Maw Jerusalem, i ralring tuah, Cu ti a si lo ahcun kan chuahtak lai i Ahohmanh um lonak ram, ṭiaotakmi ah kan ser sual lai.”

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

JEREMIAH 9:9

Hi thil hna ruangah hin dantat loin ka um hnga maw? Hi bantuk miphun cungah hin phuhlam loin maw ka um hnga, tiah Bawipa nih a ti.

JOEL 1:10

Lo cu a lawng piin a um ko, a romi vawlei cu a ṭah in a ṭap; Zeicahtiah rawl cu a rawk cang, mitsur hang thar cu ruahchan awk zeihmanh a um lo i chiti cu a car ko.

LEVITIKAS 26:32

Ram cu ka hrawh cikcek lai i cu caah nan ral hna cu a chung i an um tikah an khuaruah a har lai.

ZEKHARIAH 7:5

“Ram chung i a ummi mi vialte hna le tlangbawi hna cu, ‘Hi Kum sawm sarih chung, thla nganak thla le thla sarihnak thla i rawl nan ulh i nan ṭah tawn tikah hin, nan rawl ulhnak hi keimah upatnak ca taktak ah maw a si?

MALAKHI 2:2

Nannih nih ka bia kha nan ngaih lo i ka min kha nan upat lo ahcun, nan cungah chiatnak ka tlunter lai, tiah ralkapbu Bawipa nih a ti. Nannih nih zei ah nan ka rel lo caah thluachuahnak nan hmuhmi cu chiatserhnak caah ka canter lai, chiatsernak ah ka canter taktak lai.

ROM 8:22

Atu caan tiangah hin cun sermi thil vialte cu nau nganfah bantukin an hrum an ai.