JEIM 2:3 - Lai (Hakha) Common Language Bible 2006

³ Hnipuan ṭha he a ramipa cu upatnak nan pek i, “Hika ṭhutnak ṭha bik ah hin ṭhu tuah,” nan ti i misifakpa tu cu, “A dir in dir ko, asilole ṭuang ah hin kan ke hramah hin ṭhu,” nan ti ahcun,

Laibaibal Thiang (BSI)

³ thilṭha â hrukmi sinah, “Hi ṭhutnâk ṭha ah hin ṭhu tuah,” nan ti i mi sifak sinah, “Nang cu khi ka ah khin va dir, asiloah, kake chiahnâk ṭuang ah hin ṭhu,” nan ti ahcun,

JEIM 2:3 Iomraidhean Croise

PHUNGTHLÛKBIA 18:23

Misifak nih cun bia an chim ah a nawl tein an nawl tawn hna, sihmanhsehlaw mirum nih cun an leh hna tikah a hrilh in an hrilh.

ISAIAH 65:5

Cun midang kha an thawh hna i kannih cu mithiang tuk kan si, kan tawng hlah u, an ti hna. Hi bantuk mi cu a in in ka ing kho hna lo — an cung i ka thinhunnak cu a mit kho lomi mei bantuk a si.

LUKA 23:11

Herod le a ralkap hna nih khan Jesuh cu capo ah an saih i zeirello ngaiin an ti. Puan ṭha ngaingai an aihter i Pilat sinah khan an kuat ṭhan.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

JEIM 2:2

Tahchunhnak ah, mirumpa pakhat cu sui kutdong hrolh le hnipuan ṭhaṭha in nan i pumhnak ah a ra, cun misifak pakhat cu hnipuan ṭet fiapfuap he a ra ve.

JEIM 2:6

Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.