HOSEA 8:7 - Lai (Hakha) Common Language Bible 2006

⁷ Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

HOSEA 8:7 Iomraidhean Croise

GENESIS 41:23

Cun a dang favui pasarih an hung chuak ve i cu hna cu nichuahlei thli nih a chemmi bantukin thep selsul in an um.

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

JOB 4:8

Keimah ka hmuhning ah cun ṭhat lonak lei a thuangtu hna le Harnak a tuhtu hna nih cun, cu ṭhiamṭhiam cu an zun tawn.

PHUNGTHLÛKBIA 22:8

Dinlonak thlaici kha na tuh ahcun harnak kha na zun lai i na rian theitlai cu fungfek kha a si lai.

PHUNGCHIMTU 5:16

Mah hihi thil ṭhalo ngai a si ko, kan ratning te khan kan kal ṭhan ko. Rian heh tiah kan ṭuan, thlitu tlaih kha kan i zuam, sihmanhsehlaw zeidah kan hmuh?

ISAIAH 17:11

Asinain na cin hna zing hrimhrim ah kho in par hna hmanh seh law kumvui zeihmanh na hmu ṭhiamṭhiam lai lo. Harnak le a dam kho lomi fahnak lawng a um lengmang ko lai.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

ISAIAH 66:15

Bawipa cu mei he a ra lai. A thin a huntertu hna dantat awkah ṭotho a run i cit lai i a ra lai.

JEREMIAH 12:13

Ka mi hna nih changvut an cin i hling an zun, Thaba ngaiin an ṭuan, sihmanhsehlaw rawl fang zeihmanh an hmu lo. Bawipa kha a thin a hun caah an kumvui cu a ṭha hrimhrim lo.

ṬAHNAK HLA 5:2

Kan pale sinin kan comi ro cu khual sinah pek an si i Kan inn hna cu ramdangmi sinah pek an si.

HOSEA 2:9

Cucaah rawl ṭuan caan ah ka rawl cu ka lak ṭhan hna lai i Mitsur hang nen caan ah ka mitsur hang cu ka lak ṭhan hna lai; A taklawng i khuhnak ding caah ka pekmi sahmul le la kha ka lak ṭhan hna lai;

HOSEA 7:9

Ramdangmi kha an i bochan hna caah anmah thazang kha a ṭum, sihmanhsehlaw cucu an hngal lo; An sam a par dih cang hmanh kha an hngal lo.

HOSEA 9:16

Israel mi cu a hram a car i thei a tlai ti lomi thingkung bantuk an si. Fa an ngei lai lo, an ngeih hmanh ah an dawt ngaingaimi an fale hna cu ka thah hna lai.

NAHUM 1:3

Bawipa cu phuchim le ṭotho in a kal i khuadawm hna cu a ke toi i leidip an si.

HAGGAI 1:6

A tuh cu tampi nan tuh ko, sihmanhsehlaw tlawmte lawng nan zun; a ei cu nan ei ko, sihmanhsehlaw nan orthi a hnim bal lo; a din cu nan din ko, sihmanhsehlaw nan i za ceoceo tiang lawng a si; puan cu nan i aih ko, sihmanhsehlaw nan khua a lum bal lo; rianṭuantu nih khan an ṭuan man an hmuhmi cu zal pem chungah an sanh lengmang ko.

GALATI 6:7

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

GALATI 6:8

A pumsa duhnak lo ah a tuh ahcun, thihnak kha a zun lai; Thlarau lo ah a tuh ahcun, Thlarau nih zungzal nunnak kha a pek lai.

DEUTERONOMI 28:33

Nan hngalh lomi miphun nih nan vawlei le nan rianṭuanmi theitlai cu an ei dih lai i, nannih cu hrem le lamhchih lawng nan si lai;