HOSEA 8:6 - Lai (Hakha) Common Language Bible 2006

⁶ Hi cawtum hi zei bantuk pathian dah a si ee? Zungthiam i an sermi pei a si ko hi, pathian a si ṭung lo; Samaria cawfa cu kuai cikcek in den a si lai.

HOSEA 8:6 Iomraidhean Croise

2 SIANGPAHRANG 23:15

Cu hleiah Israel a sualtertu Jeroboam, Nebat fapa nih Bethel khua ah a sermi khuahrum bo biakṭheng, kha biakṭheng kha a khuahrum bo he khan a chimh i a lung cu a den cikcek hna i dip lak in a den hna; cun Asherah zong kha a khangh.

2 SIANGPAHRANG 23:19

Cun Samaria ram chung khua i a ummi khuahrum bo hna i hmunthiang hna, Israel siangpahrang hna nih an ser i Bawipa a thin an phawhnak hna vialte zong kha, Josiah nih a ṭhial dih hna; Bethel ah a tuahning te khan annih cung zongah cun a tuah.

2 CHANRELNAK 13:8

“Atu cu mi tampi nan si ca le Jeroboam nih pathian an serpiakmi hna sui cawfa kha nan sinah nan i chiah hna caah nannih nih David fapa hna kut chung i Bawipa pennak cu doh awkah nan ruah.

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

JEREMIAH 10:14

Mi vialte hi mihrut, hngalhnak zeihmanh a ngei lomi an si dih; Sui sertu vialte hna hi an siasal sermi hna nih hin zumhawktlak lo ah an canter dih hna; Zeicahtiah milem an sermi hna cu hlennak men an si i An chungah thaw zeihmanh a um lo.

JEREMIAH 48:13

Cun Israel cu aa bochanmi a pathian Bethel nih a deuh bantuk khan Moab cu a pathian Khemosh nih a deuh ve lai, tiah Bawipa nih a ti.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

HOSEA 10:2

An lungthin a sualmi, hi minung hna cu, an sual ruangah an tuar awk a si. Pathian hrimhrim nih an biakṭheng cu a den dih hna lai i an biakmi an tung thiang cu a hau dih hna lai.

HOSEA 13:2

Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

MIKAH 1:7

A milem vialte cu den an si dih lai i a siasal vialte cu an dihlak in khangh an si lai; A siasal vialte cu hnawmpon ah ka ser hna lai. Hlawhhlannak man in a cawkmi an si i hlawhhlannak man ah an cang ṭhan lai.

HABAKKUK 2:18

Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

LAMKALTU 17:29

Kannih cu Pathian fa kan si caah, minung nih an fimnak le an thiamnak in an sermi sui milem maw, ngun milem maw, lung milem maw ah khan, Pathian cu kan ruah awk a si lo.

LAMKALTU 19:26

Cun hipa Paul nih hin zeidah a tuah ti cu nanmahte nih nan i hmuh khawh i nan i theih khawh fawn ko. Aa thawh i, ‘Mi sermi pathian cu pathian an si lo,’ a ti i Efesa khua ah hin siseh, cun Asia ram chung zongah hin a dihlak dengmang in, mi tampi kha an lung a pemter hna.