HOSEA 6:4 - Lai (Hakha) Common Language Bible 2006

⁴ Maw Efraim, zeitindah kan tuah lai? Maw Judah zeitindah kan tuah lai? Na dawtnak hi zinglei minmei bantuk, a ṭian zaumi dap bantuk ceo a si.

HOSEA 6:4 Iomraidhean Croise

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

JEREMIAH 34:15

Nan pupa hna nih cun ka bia cu ngaih an duh lo i ka nawl zong zulh an duh lo. Sihmanhsehlaw nannih tu nih cun tunaite ah sal luatnak ding caah thawng nan thanh i ka hmaika ah, ka min a pumi inn chungah biakamnak nan ser i cucaah ka mithmuh ah a ṭhami thil kha nan tuah.

JEREMIAH 5:23

Sihmanhsehlaw hi mi hna hi cu an lung a khong i doh duhnak lungthin an ngei, Ral thawh hmangmi an si i atu cu an luan diam cang.

JEREMIAH 5:7

Zeitindah kan ngaihthiam khawh hna lai? Nan fale nih an ka hlawt i pathian a si lomi pathian kha chiatsernak ah an hman hna. Khim tein ka cawm hna, sihmanhsehlaw vacung pa duh kha an i thim deuh i Hlawhhlangnu inn ah khan an va kal lengmang.

JEREMIAH 5:9

Hi thil hna ruangah hin, dantat loin maw ka um hna hnga? tiah Bawipa nih a ti; Cun hi bantuk miphun cungah hin phuhlam loin maw ka um hnga?

JEREMIAH 9:7

Cucaah Ralkapbu Bawipa nih hi bangin a ti: Keimah cu anmah ṭhentu ka si i ka hneksak hna lai. Zeitindah ka mi cu zeirello in ka um khawh hna lai?

HOSEA 11:8

Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

HOSEA 13:3

Cucaah cu mi hna cu zinglei minmei bantukin an ṭian lai i, A lo zaumi dap bantukin an lo lai. Annih cu phuhri in thli nih a choihmi capawl bantuk an si lai i, Meikhu chuahnak in a chuakmi meikhu bantuk an si lai.

HOSEA 7:1

Ka mi hna cu an van ṭhatnak kha pek ṭhan ka duh hna i Israel mi cu damter ka duh hna tikah khan, A hung langmi cu Efraim ṭhat lonak lawnglawng le Samaria chiathrutnak lawnglawng kha a si ko, Mi kha an hlen hna, thil kha fir awkah mi inn kha an baoh i lam i a kalmi kha an thil an chuh hna.

MATTHAI 13:21

Sihmanhsehlaw an chungah hram a thlak lo caah saupi an rau lo. Cu kong i harnak le hremnak an hun ton tikah an i ngol zau.

BIACEIHTU 3:12

Cun Israel mi nih Bawipa mithmuh i thil ṭhalo cu an tuah ṭhan; cun Bawipa nih Moab siangpahrang Eglon cu Israel mi doh awkah a ṭhawnter, zeicahtiah Bawipa mithmuh i thil ṭhalo kha an tuah.