HOSEA 4:9 - Lai (Hakha) Common Language Bible 2006

⁹ Zapi nih dantatnak ah hmuh dingmi kha tlangbawi hna cungah a tlung ve lai. Annih cu dan ka tat hna lai i ṭhat lonak an tuahmi ruangah khan ka lehrulh hna lai.

HOSEA 4:9 Iomraidhean Croise

PHUNGTHLÛKBIA 11:31

Miding hna nih vawlei cungah hin an hmuh awk hnga kha an hmuh ahcun miṭhalo hna le misual hna nih cun zeitluk in dah an hmuh chinchin lai.

PHUNGTHLÛKBIA 12:14

Mi cheukhat nih an bia thawngin hlawh tlinnak an hmuh, sun a cheu nih an kut rian ṭuannak thawngin an hmuh awk hnga kha an hmuh ve.

PHUNGTHLÛKBIA 5:22

Miṭhalo cu amah ṭhat lonak ah aa foih i a sual rianṭuannak ah khan a tang.

ISAIAH 24:2

Ahopaoh nih cu bantuk thil cu ton a si ko lai — tlangbawi nih si hna seh, zapi nih si hna seh, sal nih si hna seh, bawi nih si hna seh, thil cawtu nih si hna seh, a zuartu nih si hna seh, tangka mi a cawihtu nih si hna seh, tangka mi sinin a cawimi nih si hna seh, mirum si hna seh, misifak si hna seh, cu bantuk cu an ton dih ko lai.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

EZEKIEL 44:10

Sihmanhsehlaw Levi mi nih cun Israel mi hna nih a pingah an kal i an siasal kha an biak hna i an ṭhat lonak ruangah dantatnak an hmuh tikah khan, rak ka hlaw hna hmanh seh law, anmah ṭhiamṭhiam nih ka hmunthiang chungah rian an ṭuan lai.

EZEKIEL 44:12

Annih nih an siasal hna hmaiah khan an rian cu an rak ṭuanpiak hna i an ṭhat lonak ruangah Israel cu vawlei ah an rak ṭhumh caah, an ṭhat lonak ca dantatnak cu an in lai, tiin kut hler in chiat ka ser, tiah Bawipa Pathian nih a ti.

HOSEA 1:4

Cun Bawipa nih a thawh i, “A min ah Jezreel va sak tuah; Zeicahtiah Jezreel i thisen an chuahmi ruangah khan Jehu tefa hna cu dan ka tat hna lai i Israel pennak cu ka donghter lai.

HOSEA 10:10

Hi misual miphun hi ka doh hna lai i dan ka tat hna lai. Anmah doh awkah miphun tampi kha an ṭang ṭi lai i an sualnak a tammi ruangah hin dantatnak an in lai.

HOSEA 12:2

Bawipa nih Judah cungah bia pakhat a ngei i Jakob cu a ziaza ruangah khan dantat aa tim; thil ṭhalo a tuahmi kha a lehrulh lai.

HOSEA 12:3

A nu paw chung hmanh ah khan a unau kha a chawhkanh i Upa a hung si tikah Pathian kha a zuam.

HOSEA 7:2

Thil ṭhalo an tuahmi vialte kha ka hngalh camcin ko ti kha a ruah awk an hngal lo; An sualnak nih khan a kulh hna i ka hmaika khan an luat kho lo.

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

HOSEA 9:15

Ṭhat lonak an tuahmi vialte kha Gilgal in aa thawk, Huat hram ka thawh hnanak cu khika khan a si. Ṭhat lonak an tuahmi ruangah khan ka ram chungin ka dawi hna lai. Annih cu ka daw ti hna lai lo, an hruaitu hna nih an dihlak in an ka ral.

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.