HOSEA 4:1 - Lai (Hakha) Common Language Bible 2006

¹ Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

HOSEA 4:1 Iomraidhean Croise

1 SIANGPAHRANG 22:19

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah a pawng i an dir kha ka hmuh;

SALM 81:9

Ramdang pathian kha bia hrimhrim hna hlah u, keimah dah ti lo cu a dang zeihmanh bia hna hlah u.

ISAIAH 1:10

Jerusalem, na uktu bawi hna le na mi hna hi Sodom le Gomorrah khuami bantuk kha an si. Bawipa nih an chimhmi bia hi ngai tuah. Kan Pathian nih an cawnpiak mi hi ṭha tein ruat tuah.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 28:14

Cucaah cun Jerusalem khuami uktu, mi lungpuam rual hna, Bawipa nih a chimmi hi ngai tuah u.

ISAIAH 34:1

Miphun vialte hna, ra tuah u. I pum u law ka bia ngai tuah u. Vawlei dihlak le a cung i a ummi vialte kha hika ah hin ra hna seh law ka bia cu ngai hna seh.

ISAIAH 34:8

Hi caan hi Bawipa nih Zion kha a khamh i a ral hna cungah phu a hlam caan kha a si lai.

ISAIAH 5:3

Cucaah ka hawipa nih cun aa thawh i, “Jerusalem khua chung i a ummi hna le Judah ram chung i a ummi hna, keimah le ka mitsur dum hi bia kan thlek tuah u.

ISAIAH 59:4

Biaceihnak hmun ah nan kal, sihmanhsehlaw ahohmanh bia hmaan a chimmi nan um lo. Nan bia tei khawhnak caah lih kha nan i bochan. Midang harnak peknak caah khua nan khan i cucu nan tlinter taktak.

ISAIAH 59:8

nanmah nan um paoh ahcun ahohmanh himbawm in khua a sami an um bal lo. Nan tuahmi thil paohpaoh hi a ding lomi an si dih. Nan zulhmi lam kha lamding lo a si i cu lam i a kalmi paoh cu a himbawmmi ahohmanh an um lo.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

JEREMIAH 11:7

Nan pupa hna cu Izipt ram in ka chuahpi hna ri in atu tiang, hi bantukin tuah hlah u, ka ti lengmang hna, ralrinnak ka pek lengmang hna; Ka nawl ka ngai u, ka ti hna.

JEREMIAH 19:3

‘Maw Judah siangpahrang hna le Jerusalem khuami hna, Bawipa bia hi thei tuah u,’ va ti. Hi bangin Ralkapbu Bawipa, Israel Pathian nih a ti: Hi hmun cungah hin rawhralnak ka tlunter lai i mah cu a theimi paoh cu, an hna zaizil khing dihlak in a khenh hna lai.

JEREMIAH 2:4

Bawipa bia cu ngai tuah u, maw Jakob tefa hna le Israel chungkhar vialte hna.

JEREMIAH 2:9

Cucaah nannih cu taza kan cuai peng ko hna lai i Nan fale hna fale zong ka cuai peng ko hna lai, tiah Bawipa nih a ti.

JEREMIAH 25:31

A au thawng cu vanhramdeng tiang a thang lai, zeicahtiah Bawipa cu miphun vialte cungah bia a ngei i minung vialte kha taza a cuai hna lai i a sualmi cu vainam in an thi lai, tiah na chimh hna lai,’ tiah Bawipa nih a ti.

JEREMIAH 34:4

Maw Judah siangpahrang Zedekiah, Bawipa nih nangmah an cahmi bia cu thei rih tuah. A bia cu hihi a si: Vainam in na thi lai lo.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

JEREMIAH 4:28

Cucaah vawlei cu a ngaih a chia lai i cunglei van hna cu an nak dih lai; Keimah nih ka chim cang i ka timh cangmi a si caah Kaa ngaihchih lai lo i ka lung zong kaa let lai lo.”

JEREMIAH 5:4

Khi tikah kei nih kaa thawh i, “Mah hna hi cu misifak mi hrut men an si, Bawipa lam kha a hngal lo i An Pathian phungbia kha a hngal lomi an si;

JEREMIAH 51:5

Israel le Judah cu an Pathian, Ralkapbu Bawipa nih a ma hna lo, Sihmanhsehlaw Khaldi mi ram cu sualnak in a khat i Israel Mi Thiang nih a hlawt cang.

JEREMIAH 6:13

Annih cu a hme bik in a ngan bik tiang, hrokhrawl in hmuhmi miaknak kha a duhmi an si; Profet le tlangbawi hna hmanh kha lih in rian a ṭuanmi an si.

JEREMIAH 7:28

Khi tikah annih cu na thawh hna lai i, ‘Hi miphun hi Bawipa an Pathian aw a ngai lo miphun an si i chimhhrinnak zong a cohlang duh lomi an si; biatak cu a thi cang, an hmur ah a cuang ti lo.

JEREMIAH 9:20

Maw minu hna, Bawipa bia cu thei tuah u law amah kaa chung bia cu nan hna nih thei tuah hna seh; Nan fanu hna cu ṭahnak hla kha cawnpiak hna u law Mithi ṭahnak hla cu pakhat le pakhat i cawnpiak cio hna seh;

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

JEREMIAH 9:7

Cucaah Ralkapbu Bawipa nih hi bangin a ti: Keimah cu anmah ṭhentu ka si i ka hneksak hna lai. Zeitindah ka mi cu zeirello in ka um khawh hna lai?

EZEKIEL 16:35

“Cucaah maw hlawhhlangnu, Bawipa bia cu ngai tuah. Mah hihi Bawipa Pathian bia cu a si: Na luannak ah hin na tlau cang, an duhtu hna he sualnak na tuahnak ah na pum cu naa langh cang. Fih a nungmi na siasal hna le annih sin pek awkah na thahmi ngakchia hna lehrulhnak ah,

HOSEA 12:2

Bawipa nih Judah cungah bia pakhat a ngei i Jakob cu a ziaza ruangah khan dantat aa tim; thil ṭhalo a tuahmi kha a lehrulh lai.

HOSEA 12:3

A nu paw chung hmanh ah khan a unau kha a chawhkanh i Upa a hung si tikah Pathian kha a zuam.

HOSEA 5:1

Nannih tlangbawi hna, hihi thei tuah u; Nannih Israel mi hna, hihi ngai tuah u. Nannih siangpahrang innchungkhar mi hna, ka bia hi i chingchiah tuah u. Nannih cu midang kha bia a ceihtu ding nan si, Sihmanhsehlaw biaceihnak kha nanmah cungah a tlung lai. Nannih cu Mizpah i chiahmi rap le Tabor tlang i chiahmi sur rap le

HOSEA 5:4

Thil ṭhalo an tuahmi nih khan Pathian lei i an kirnak ding lam kha a phih; Siasal biaknak lungthin nih khan a tei hna i Bawipa kha zei ah an rel lo.

JOEL 1:2

Nannih upa hna, ngai tuah u, Ram chung i a ummi hna, ka bia hi thei tuah u: Hi bantuk thil hi nan chan chungah a um bal maw? Nan pale chan ah tah a rak um bal maw?

AMOS 3:1

Nannih Israel mi hna, Bawipa, nih nan sinah a chimmi bia hi ngai tuah u, Izipt ram in a chuahpimi nan phun ningpi in nan sinah a chimmi bia hi ngai tuah u:

AMOS 7:16

Cucaah cun atu cu Bawipa bia hi ngai tuah u: “Israel mi cu bia chim hna hlah, Isak tefa hna cu na hruh bia cu nawnnokpi lengmang hna hlah, nan ka ti.

MIKAH 6:2

Nannih tlang ngan pipi hna, zungzal in a hmunmi tung vawlei a dohtu hna, Bawipa bia hi thei tuah u; Zeicahtiah Bawipa nih a mi hna chalh awk bia a ngei i cu bia cu Israel he an i al lai.

JOHAN 8:55

Nannih nih cun nan hngal bal lo, sihmanhsehlaw kei nih cun ka hngalh. Ka hngal lo ti ning law, nanmah bantuk milihchim ka si ve hnga. Sihmanhsehlaw ka hngalh taktak ko i a bia kha ka ngaih.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

1 KORIN 15:34

Nan lung i fim ṭhan u law nan sualnak kha ngol hna u. A cheu cu Pathian nan hngal lo, hi ti ka chim hi nan ningzak seh ti ka duh caah a si.

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:29

“Hna nan ngeih ahcun, Thlarau nih Khrihfabu hna sinah a chimmi bia kha ngai tuah u,” tiah a ti.