HOSEA 2:9 - Lai (Hakha) Common Language Bible 2006

⁹ Cucaah rawl ṭuan caan ah ka rawl cu ka lak ṭhan hna lai i Mitsur hang nen caan ah ka mitsur hang cu ka lak ṭhan hna lai; A taklawng i khuhnak ding caah ka pekmi sahmul le la kha ka lak ṭhan hna lai;

HOSEA 2:9 Iomraidhean Croise

EZEKIEL 16:27

“Nangmah cu ka kut kan samhhnawh i na rawl kha kan ṭhumh. Cun nangmah aan huatu, Filistin minu hna, na zuanzamnak nih a nor cikcekmi hna sinah khan kan chanh

EZEKIEL 16:39

Cun annih sinah khan nangmah cu kan chanh lai. Annih nih na zaunak donhmi kha an chimh hna lai i na ṭhutdan sang kha an hrawh hna lai; cun na puan kha an in phoih lai i na hlawn sungsung kha an lak hna lai i taklawng le taklang in an in kaltak lai.

EZEKIEL 23:26

Na hnipuan kha an in phoih dih lai i na hlawn vialte kha an in chuh dih lai.

DANIEL 11:13

Khi tikah chaklei siangpahrang nih khan hmasa nak hmanh in a ngan deuhmi ralkapbu he cun a ra ṭhan lai.

HOSEA 2:3

Cu ti a si lo ahcun ka phoih dih lai i a chuah ni i taklawng in a um bantuk khan ka hlih dih sual lai; Ram car bantukin ka tuah lai i thetse car in ka car sual lai i tihal in ka thihter sual lai.

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

HOSEA 9:2

Sihmanhsehlaw rawl siseh, oliv chiti siseh a za in nan ngei lai lo i mitsur hang kha a um lai lo.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

ZEFANIAH 1:13

An chawva vialte kha ramhpiak an si lai i an inn cu hrawhpiak an si lai; Inn cu an sak hna lai, sihmanhsehlaw an umnak hna lai lo, Mitsur dum cu an ser hna lai, sihmanhsehlaw mitsur hang cu an ding lai lo.

MALAKHI 1:4

Edom nih, “Kannih cu kan rawk cang, a rawkmi kan inn cu sa ṭhan hna u sih,” tiah a ti tikah, Bawipa bia cu hihi an si: “An sak ṭhan hna ahcun ka ṭheh ṭhan hna lai. Annih cu ṭhat lonak a tamnak ram, Bawipa nih zungzal in chiat a serhmi miphun,” ti an si lai.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.