HOSEA 2:23 - Lai (Hakha) Common Language Bible 2006

²³ Ram chungah khan ka mi kha fek tein ka umter hna lai i ka ṭhanchoter hna lai. “Dawt lomi” hna tiah timi hna cungah khan dawtnak ka ngei lai i “Ka mi an si lo,” timi hna kha, “Ka mi an si,” ka ti hna lai. Annih cu an pahnih in ka mi nan si ka ti hna lai i, Annih nih, “Kan Pathian na si,” an ka ti lai.

HOSEA 2:23 Iomraidhean Croise

SALM 118:28

Nangmah cu ka Pathian na si i kan lawmh; na lianhngannak cu ka thanh lai.

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

SALM 68:31

Izipt ram in cozah nih thlahmi lamkaltu an ra lai; Ethiopia mi nih Pathian sinah thlacam in an kut an hler lai.

SALM 72:16

Ram chungah rawl tam piin um ko seh; Lebanon tlang i a ummi rawl kung ṭha bantuk nih tlang vialte cu tuam dih hna seh. Ramlak i a khomi ram bantukin khuapi cu minung in khat hna seh.

SOLOMON HLA 2:16

Ka dawtte aw nang ka ta si i kei zong nang ta si ve ci, Lenter hna law na tuurun hna cu lili pangpar hna lakah.

ISAIAH 44:5

“Midang zong nih, pakhat hnu pakhat in, ‘Kei cu Bawipa mi ka si,’ an ti lai i Israel mi chungah khan an i fon lai. An ban ah khan Bawipa min hmelchunhnak kha an ser lai i ‘Kei cu Bawipa mi ka si ve,’ an ti lai,” a ti.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 30:22

Cucaah nannih cu ka mi nan si lai i Kei cu nan Pathian ka si lai.

JEREMIAH 31:27

“Bawipa nih hi bangin a ti: Israel ram le Judah ram cu minung le saram in ka khahter hna lai caan a ra lio.

JEREMIAH 32:38

Annih cu ka mi an si lai i kei cu an Pathian ka si lai.

JEREMIAH 33:26

Mah hihi ka tuah bantukte hin Jakob tefa hna le ka sal David sin i ka biakamnak cu ka fehter lai. Abraham, Isak le Jakob tefa hna uktu ah David tefa pakhat kha ka thim lai. Ka mi cu an van ṭhatnak kha ka pek ṭhan hna lai i an cungah zaangfahnak ka ngei lai,” tiah a ti.

EZEKIEL 36:29

An thurhhnawmhtertu hna thil vialte chung khan kan khamh hna lai; fangvoi cu ka kawh lai i tampi ka vuiter lai; nan cungah mangṭam ka tlunter ti lai lo.

HOSEA 1:6

Fa a pawi ṭhan i fanu a hrin i Bawipa nih a thawh i, “A min ah Lo-ruhamah tiah sak tuah, Zeicahtiah Israel cu ka hram bal ti lai lo i ka ngaihthiam bal ti lai lo,” tiah a ti.

HOSEA 8:2

Annih nih keimah cu, kan Pathian na si an ka ti i annih cu, na mi kan si an ti,

ZEKHARIAH 10:9

Miphun dangdang hna sinah ka ṭhek hna, Asinain ram hlapi ah cun an ka hngalh ṭhiamṭhiam ko lai i An fale kha an cawm hna lai i an ra kir lai.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

ZEKHARIAH 14:16

Jerusalem a dotu miphun hna chungin a tangmi vialte hna cu kum fate in Siangpahrang, ralkapbu Bawipa biak awkah le Deu Puai tuah awkah cun an ra lengmang lai.

ZEKHARIAH 14:9

Cun Bawipa cu vawlei cung vialte siangpahrang a si lai; khi ni ah cun Bawipa lawnglawng cu Bawipa a si lai i a min lawnglawng cu min a si lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

ROM 3:29

Asiloah, Pathian cu Judah mi hna Pathian lawng maw a si? Jentail mi hna Pathian tah a si ve lo maw? Si hen ta!

JEIM 1:1

Pathian le Bawipa Jesuh Khrih sal a simi Jeim nih, vawlei cung khuazakip i aa ṭhekmi Pathian mi kha kan biakchawnh hna.