HOSEA 2:11 - Lai (Hakha) Common Language Bible 2006

¹¹ Aa nuamhnak vialte, a khualtlawnnak tehna, thla thar tehna, sabbath tehna, puai tehna cu ka donghter hna lai.

HOSEA 2:11 Iomraidhean Croise

1 SIANGPAHRANG 12:32

Cun Jeroboam nih thla riatnak thla a ni hleinga ni ah khan, Judah ram chung i a ummi puai bantuk puai pakhat ngeih awk a si lai, a ti i biakṭheng cungah raithawinak kha a pekchanh hna; cu bangin Bethel khua ah cun a tuah, amah nih a sermi cawfa hna kha raithawinak a pekchanh hna. Cun khuahrum bo a sermi ca i tlangbawi hna cu Bethel ah a chiah hna.

JEREMIAH 16:9

Zeicahtiah ralkapbu Bawipa Israel Pathian nih hi bangin a ti: Nangmah chan hrimhrim ah hin le nangmah mit hmuh hrimhrim ah hin, hi hmun i lawmhnak le thanuamnak aw thawng vialte, nupi ṭhipa aw le a mo aw kha, ka daihter hna lai.

JEREMIAH 25:10

Cun annih sinin thanuamnak aw thawng le lawmhnak aw thawng vialte cu ka daihter lai; nupi ṭhipa aw thawng le a mo aw thawng le rawl rialnak lung aw thawng hna cu ka daihter hna lai; meiinn ceunak cu ka hmih dih hna lai.

JEREMIAH 7:34

Cun Judah ram chung khua hna chungin le Jerusalem khua chung lam hna in lawmhnak aw le thanuamnak aw, nupi ṭhi tlangval aw le ṭhitmi ngaknu aw cu ka daihter lai; zeicahtiah ram cu a ṭiao dih cang lai.

EZEKIEL 26:13

Cucaah na hla aw cu ka daihter lai i Na tingtang thawng cu theih an si ti lai lo.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

HOSEA 5:7

Bawipa kha an rawi i a sinah zumhawktlak in an um lo; An fale hna cu amah ta an si lo; Cucaah an ram cu a rawk lai.

LEVITIKAS 26:20

cun nan thazang cu pakpalawng ah nan hman lai, zeitintiah nan ram nih tirawl a chuah lai lo i nan ram chung thingkung hna nih thei an tlai lai lo.

AMOS 5:21

Nan puai hna cu ka huat hna i zei ah ka rel hna lo, Nan sunhsakmi nan pumhnak hna cu ka duh hna lo.

AMOS 8:3

Khi ni ah cun siangpahrang inn i hla a sa tawnmi nu hna kha a ai in an ai lai i, ‘A kenkip ah miruak tam tuk an hlonh liangluang ko hna. Hnachet loin um u,” an ti lai,” tiah a ti.

AMOS 8:5

nannih nih nan i thawh i, ‘Zeitik ah dah thla thar puai cu a dih lai i kan rawl cu kan zuar lai? Zeitik ah dah sabbath cu a dih lai i kan changvut kha zuar awkah kan chuah lai,’ nan ti. Cun ephah kha hmetter deuh u sih law shekel kha nganter deuh u sih; cun cuailung kha zanter deuh u sih;

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.