HOSEA 13:8 - Lai (Hakha) Common Language Bible 2006

⁸ A fa chuhmi vompi bantukin nannih cu kan zuanhnawh hna lai i kan thleh kan baoh dih hna lai. Chiandeih bantukin a hmunte ah khan kan ei dih hna lai i, Sahrang bantukin kan thleh cikcek hna lai.

HOSEA 13:8 Iomraidhean Croise

2 SAMUEL 17:8

Cuhleiah Hushai nih cun, “Na pa le a mi hna cu miṭhawng an si le lolak i a fa lakpiakmi vom bantukin an thin a linh kha na hngalh. Cuhleiah na pa cu ral leiah a thiam ngaingaimi a si; mi hna sinah zan ah a riak lai lo.

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

SALM 80:13

ngal nih an nan dih i saram vialte nih an ei.

PHUNGTHLÛKBIA 17:12

Mihrut a hruh lio i ton nakcun a fa chuhmi vompi ton a ṭha deuh.

ISAIAH 5:29

An ralkap hna cu, a sa sehmi ka chut hna hlah seh tiah aa kalpimi chiandeih bantuk an si.

ISAIAH 56:9

Bawipa nih ramdangmi kha, ramlak saram bantukin ra u law ka mi hi ra ei hna u, tiah a chimh hna.

JEREMIAH 12:9

Ka thimmi ka mi hna hi mupi, a ka kip in mupi dang nih an sanhmi bantuk a si. Ra u, nannih sahrang hna, ra u nan dihlak in, Rawl danghnak ah hin ra ei cio u.

JEREMIAH 25:38

Chiandeih a kua a chuahtakmi bantuk khan an zam, Zeicahtiah an ram cu pakpalawng ah a cang cang, Vainam le thinhunnak nih pakpalawng ah a canter dih cang.

HOSEA 2:12

A duhtu hna nih an ka phalhmi a si tiah a timi mitsur ruang le theipi kung hna kha ka hrawh hna lai i Ramlak saram an tlonnak ramlak ah ka ser hna lai.

HOSEA 5:14

Israel mi le Judah mi cu a ṭhawngmi chiandeih bantukin ka zuanhnawh hna lai; Keimah hrimhrim nih ka thleh ka baoh dih hna lai i ka kaltak hna lai. Ka hnuh hna lai i ahohmanh nih an chanh kho hna lai lo.