HOSEA 13:5 - Lai (Hakha) Common Language Bible 2006

⁵ Ram car, thetse ram ah khan kan zohkhenh hna.

HOSEA 13:5 Iomraidhean Croise

GENESIS 31:40

Chun ah nilin voi tampi ka in i zan ah khuasik voi tampi ka in. Kaa hngilh khawh lo caan voi tampi a um.

SALM 1:6

Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

SALM 142:3

Ka thlarau kha ka chungah a bat tikah, zeidah ka tuah awk a si kha nangmah nih na hngalh. Ka kalnak lam ah khan ka ral nih rap an ka chiahhnawh.

SALM 31:7

A fekmi na dawtnak ruangah ka lung aa lawm lai i ka tha a nuam lai. Ka temhinnak kha na hmuh i ka harnak kha na hngalh.

SALM 63:1

Maw Pathian, nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih tihal in an hal; vawlei ro nih ti a duh bantuk khin an duh.

EXODUS 2:25

Israel mi sal an sinak kha a hmuh i annih sinah khan aa hngalhter.

JEREMIAH 2:2

“Va kal law Jerusalem vialte nih an theih nakhnga va au tuah, Bawipa bia cu hi bangin a si: Na ngaknut lio i na ka tlaihchannak le Hammi na si lio i na ka dawtnak kha ka hngalh camcin ko, Thetse ram, zeihmanh cinthlak lonak ram ah khan na rak ka zulh lengmang ko.

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

HOSEA 5:3

Israel cu zei bantuk mi dah a si ti kha ka hngalh ko, ka sinin aa thup kho lai lo. Amah cu ka sinah zumhawktlak loin khua a sa i mi hna kha thurhhnawmh an si cang.

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

NAHUM 1:7

Harnak caan ah amah aa bochanmi caah cun Bawipa cu a fekmi himnak a si; Amah nih ka chanh seh, ti a duhmi paoh cu a zohkhenh hna.

1 KORIN 8:3

Sihmanhsehlaw Pathian a dawmipa kha Pathian nih a hngalh.

GALATI 4:9

Sihmanhsehlaw atu cu Pathian cu nan hngalh cang — atu cu Pathian nih an hngalh hna ka ti deuh awk tu a si — cucaah zeitindah kha a derthawmmi le san a tlai lomi thlarau hna leiah khan i mer ṭhan nan duh? Zeicahdah an sal si, i nolh ṭhan cu nan duh?

DEUTERONOMI 2:7

Zeitintiah Bawipa nan Pathian nih nan kut rianṭuannak vialte ah thluachuah an pek hna; hi ramlak kaupi chung i nan kalnak hi a hngalh ko; hi kum sawm li chung hi Bawipa nan Pathian cu nan sinah a um i zeihmanh nan bau lo,’ tiah a ka ti.

DEUTERONOMI 32:10

“Amah nih thetse ram ah khan a char, Thetse ram thlitu a awn vungmangmi ah khan a char. A kulh, a zohkhenh, a mit falai bantukin a ven.

DEUTERONOMI 8:15

Amah cu a kau i ṭih a nungmi ramlak, mei alh bantuk a simi rul hna le tlangngaikuang hna an umnak le ti um lomi ramcar chungin an hruaitu hna a si; amah nih ṭeklung lungpi chungin ti an pek hna i