HOSEA 12:1 - Lai (Hakha) Common Language Bible 2006

¹ Efraim cu a tuurun thli menmen a simi kha a khal i Amah cu chun nitlak in nichuahlei thil a dawi lengmangmi kha a si; Assiria he khan biakamnak kha a va ser i Izipt ram ah khan laksawng chiti kha a vun phorh.

HOSEA 12:1 Iomraidhean Croise

GENESIS 41:6

Cun a dang favui pasarih an hung chuak ve ṭhan i cu hna cu nichuahlei thli nih a chemmi bantukin thep selsul in an um.

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

2 CHANRELNAK 21:11

Cuhleiah Judah tlang ram ah khan khuahrum bo a ser hna i Jerusalem khuami kha zumhawktlak lo sinak chungah a luhpi hna i Judah mi kha lam a pialter hna.

JOB 15:2

“Thli lawng a khatmi fimnak in maw mifim nih a leh awk a si hnga? Nichuahlei thli in maw aa khahter ko lai?

SALM 78:36

Sihmanhsehlaw an bia cu lih lawngte a si i an chimmi paoh cu hlennak lawngte a si.

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 22:22

Nan hawile vialte cu thlitu nih a kalpi hna lai i Nanmah an dawtu vialte hna kha saltannak chungah an lut lai. Khi tikah nan ṭhat lonak ruangah ningzahnak le nautatnak nan in lai.

JEREMIAH 7:15

cun nan rualchan Efraim tefa vialte hna kha ka hlonh hna bangin, nannih zong ka mit hmuh lonak ah kan hlonh hna lai.

ṬAHNAK HLA 5:6

Kannih cu rawl kha an kan pek nakhnga a chel ah Izipt mi hna he remnak kan tuah, A chel ah Assiria mi hna he kan tuah.

EZEKIEL 17:10

Phun cu phun a si ko cang, asinain a nung in a ṭhang lai maw? Nichuahlei thli nih hranh in a car ko hnga lo maw? A umnak hmun ah cun a car hnga lo maw?” a ti.

HOSEA 11:12

Efraim nih hlennak bia in a ka kulh i Israel chungkhar hna nih dehnak bia in an ka kulh; Cun Judah cu Pathian kha zulh duh loin aa chang i, A thiang tiah a timi siasal kha an biak ko rih hna.

HOSEA 11:9

Ka thinhun in kan hrawk lai lo, Israel cu ka hrawk ṭhan lai lo. Zeicahtiah kei cu Pathian ka si, minung ka si lo. A Thiang Mi Keimah cu nan sin i a ummi hi ka si, Nan sinah thinhun in ka ra lai lo.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

HOSEA 4:19

Thlichia choihtu in choih an si lai i an raithawinak ruangah khan an ning a zak lai.

HOSEA 5:13

Israel nih zeitluk in dah ka zawt ti kha aa hngalh i Judah nih a hma kha aa hmuh tikah, Israel cu siangpahrang ngan kha bawmhnak va hal awkah Assiria ah a kal, Sihmanhsehlaw a damter kho hna lo i an hma zong a damter kho lo.

HOSEA 7:1

Ka mi hna cu an van ṭhatnak kha pek ṭhan ka duh hna i Israel mi cu damter ka duh hna tikah khan, A hung langmi cu Efraim ṭhat lonak lawnglawng le Samaria chiathrutnak lawnglawng kha a si ko, Mi kha an hlen hna, thil kha fir awkah mi inn kha an baoh i lam i a kalmi kha an thil an chuh hna.

HOSEA 7:11

Efraim hi laileng hrutte a si, Atu ah Izipt kha a vun auh, atu lila ah Assiria leiah khan aa mer ṭhan.

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.