HOSEA 10:8 - Lai (Hakha) Common Language Bible 2006

⁸ Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakṭheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

HOSEA 10:8 Iomraidhean Croise

GENESIS 3:8

Cu ni zanlei sang ah cun Bawipa Pathian cu dum chung i aa chawh kha an theih i thing lakah khan an i thup.

1 SIANGPAHRANG 13:2

Cun mipa nih cun Bawipa bia in biakṭheng cu a auhnawh i, “Maw biakṭheng, biakṭheng, Bawipa nih hi bangin a ti: ‘Zohhmanh, David innchungkhar chungah fapa pakhat, a min Josiah a simi a chuak lai; cun nangmah cung i zihmui a khangmi khuahrum bo tlangbawi hna cu nangmah cungah hin rai ah a thawi hna lai i mi ruh cu nangmah cungah hin khangh a si lai,’ a ti,” tiah a ti.

1 SIANGPAHRANG 13:34

Cun mah hihi Jeroboam innchungkhar an ci a hmittu le vawlei cungin a hrawktu hna sualnak ah khan a cang.

1 SIANGPAHRANG 14:16

Cun Israel mi cu, Jeroboam amah sualnak ruang le Jeroboam nih Israel mi a sualter hnanak ruangah khan, a hlawt hna lai,” tiah a ti.

2 SIANGPAHRANG 23:15

Cu hleiah Israel a sualtertu Jeroboam, Nebat fapa nih Bethel khua ah a sermi khuahrum bo biakṭheng, kha biakṭheng kha a khuahrum bo he khan a chimh i a lung cu a den cikcek hna i dip lak in a den hna; cun Asherah zong kha a khangh.

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 2:21

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah mi cu lungpang tamnak tlang lungkua hna le khor chungah khan an i thup lai.

ISAIAH 32:13

hling le so lawng an khat dih. Nuam tein mi nih an rak umnak inn hna le minung a khah in an rak khahnak khuapi kha ṭah ko hna u.

ISAIAH 34:13

Siangpahrang inn vialte hna le ralhau a ngeimi khua vialte hna chungah khan hling le so lawng an kho cang lai i ram-ui le chimbu kha an um lai.

HOSEA 10:2

An lungthin a sualmi, hi minung hna cu, an sual ruangah an tuar awk a si. Pathian hrimhrim nih an biakṭheng cu a den dih hna lai i an biakmi an tung thiang cu a hau dih hna lai.

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

HOSEA 10:9

Gibeah i sualnak an rak tuahnak thawk khan ka cung i sualnak tuah hi Israel mi nih an ngol rih lo. Cucaah ral nih Gibeah ah a phak hna lai.

HOSEA 2:6

Cucaah a lam cu hlingbur in ka kham hna lai i dai kha ka chon hna lai, Cuticun a zulh tawnmi a lam kha zul kho loin ka tuah lai.

HOSEA 4:13

Tlang cung i khuahrumbo ah khan rai an thawi i Thingkung a sang i a hnah a ṭha i a thladem a kaumi toiah khan zihmui an khangh. Cu ruangah cun nan fanule hna cu hlawhhlangnu ah an cang i Nan fapale nupi hna cu vacung in pa an i duh.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

HOSEA 5:8

Gibeah ah muko kha tum u, tuuki kha Ramah ah tum u, Beth-aven ah raltuknak au khan au u law: “Benjamin, nangmah sinah kan ṭang!” tiah ti u.

HOSEA 8:5

Nan cawfa pathian cu an thu, maw Samaria; Ka thinhunnak cu an cungah a alh in a alh. Suallo tein an nun khi zeitik riamruam ah khin dik a hei si te lai.

HOSEA 9:6

Rawhralnak kha an luat hmanh ah Izipt nih khan a rak i fimhlawm lai i Memfis cu an thlan a si lai; Rili chung thetse tlang nih khan an lawng cu a hrawh hna lai, An ram ah khan belh a kho lai i an umnak hmun ah khan hling an kho lai.

AMOS 1:5

Damaskas mingan vialte cu ka den dih hna lai i Aven nelrawn i a ummi vialte le Beth-eden a uktu bawifung aa putmi cu ka hloh dih hna lai; Aram mi hna cu Kir ah sal ah hruai an si lai. Cucu Bawipa bia a si.

AMOS 3:14

Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

AMOS 7:9

Isak khuahrumbo hna cu an rawk lai i Israel hmunthiang hna cu pakpalawng ah an cang lai; vainam i put in ka tho lai i Jeroboam innchungkhar cu ka tuk hna lai,” tiah a ti.

AMOS 8:14

Cun Samaria pathiannu Ashimah in chiat a ser i, ‘Maw Dan, na pathian nunnak in chiat ka ser,’ a ti i ‘Beersheba lei lam tiangin chiat ka ser,’ a timi vialte cu Tho ti lo dingin an tlu lai.

MIKAH 1:13

Maw Lakhish mi hna, rangtum kha rangleng ah khit hna u, Zeicahtiah a hmasa bik ah Zion fanu hna sualnak chungah a kalpitu cu nangmah na si i Israel ṭhat lonak cu nangmah thawngin a rak si.

MIKAH 1:5

Mah hi vialte hi Jakob ṭhat lonak ruang le Israel sualnak ruangah a si. Jakob ṭhat lonak cu zeidah an si? Samaria khua chung i an tuahmi kha an si lo maw? Judah mi hna cu khuazei khuahrumbo ruangah dah dan ka tat hna lai? Jerusalem khua hi an khuahrumbo cu a si ko.

NAHUM 3:11

Nangmah Nineveh zong an in kulh ve lai i an in tei lai; Na ral hna kut chungin himnak ding kha na nawl a herh ve lai.

LUKA 23:30

Cu caan cu mi nih tlang hna cu, ‘Kan tlak u,’ an ti hna i, fing hna cu, ‘Kan khuh u,’ an ti caan a si lai.

DEUTERONOMI 9:21

Cun hi nan thil sual, nan sermi cawfa cu, ka lak i mei in ka khangh i ka den, leidip bantukin a dip tiang dip tein ka rial; cun cu leidip cu tlang cungin a rung luangmi tivate ah cun ka paih.

BIAPHUAN 6:16

Tlang le lungpi cu an auh hna i, “Kan nenh u law bawiṭhutdan cungah a ṭhumi hmai le Tuufa thinhunnak cun kan phen tuah u!

BIAPHUAN 9:6

Cu thla nga chung cu kha mi hna nih khan thih an i duh deuh lai, sihmanhsehlaw an thi kho ṭung lai lo; thih kha an i kawh lai, sihmanhsehlaw thihnak nih a zamtak ṭung hna lai.