HOSEA 10:12 - Lai (Hakha) Common Language Bible 2006

¹² Annih cu ka thawh hna i, “Nan caah dinnak kha i tuh u law keimah lei i nan ṭannak nih a chuahpimi thluachuahnak kha zun tuah u. Nan dinhtermi vawlei kha ṭuan cang hna u, Zeicahtiah atu cu Bawipa keimah leiah i mer caan a si cang i ka ra lai i thluachuahnak kan pek hna lai,” tiah ka ti.

HOSEA 10:12 Iomraidhean Croise

SALM 105:4

Bawmhnak hmuh awkah amah cu va fuh u, a hmaika ah khan va um zungzal u.

SALM 72:6

Siangpahrang cu lo a surhtu ruah bantuk si seh law vawlei a cawmtu ruah bantuk si seh.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

PHUNGTHLÛKBIA 18:21

Lei nih hin thah khawhnak le nunh khawhnak ṭhawnnak a ngei, cucaah na bia chimmi theitlai cu na co a herh lai.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

ISAIAH 30:23

Thlaici nan tuh tikah Bawipa nih ruah a surter lai i a khohter hna lai i kumvui ṭha an pek hna lai. Cun nan saṭil nih ram hno tampi an hmuh lai.

ISAIAH 31:1

Bawmhnak hal awkah Izipt i a vung kalmi cu an lo cang. An i bochanmi cu Izipt ṭhawnnak kha a si — a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.

ISAIAH 32:20

Rawl caah ti tampi a um lai i caw le rang caah ramhno tampi a um lai caah zeitluk in dik aho paoh an i lawmh cio lai.

ISAIAH 44:3

“Ti a halmi ram kha ti ka pek lai i thetse ram ah khan tiva ka luanter hna lai. Nan tefa cu ka lianhngannak ka toih hna lai i nan ciruang cu ka thluachuahnak ka toih hna lai.

ISAIAH 45:8

Teinak cu van in ruah sur in ka surter lai i vawlei nih a rak i donh lai, cun luatnak le dinnak cu vawlei ah cun an par lai. Bawipa nih mah hi cu ka umter lai,” a ti.

ISAIAH 48:18

“Ka nawlbia kha rak ngai u law, ti ka hei duh dah! Thluachuahnak cu nan caah, zeitikhmanh i a reu bal lomi tiva bantukin, a luan in a luang zungzal ko hnga! Ti kam a deng lengmangtu tilet bantukin teinak cu nan sinah a phan ko hnga!

ISAIAH 5:6

Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.

ISAIAH 54:14

Dinnak le ṭhatnak nih an in ṭhawnter lai. Hremnak le ṭihphannak in na him cang lai.

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

JEREMIAH 50:4

Khi ni le khi caan ah cun Israel mi hna le Judah mi hna cu hmun khat ah an ra ṭi lai i Bawipa an Pathian cu mitthli he an kawl lai;

EZEKIEL 34:26

Ka tlang pawngah khan ka umter hna lai i a caan te ah ruah, thluachuahnak ruah kha ka pek hna lai.

HOSEA 12:6

Cucaah atu cu Jakob tefa hna, nan Pathian cu i bochan u law amah sinah khan kir tuah u. Amah sinah khan zumhawktlak in um u law ding tein um ko u, Cun nan Pathian nih rian a ṭuan lai kha thinfual in hngak ko u.

HOSEA 14:1

Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

AMOS 5:4

Mah hihi Bawipa nih Israel mi sinah a chimmi bia a si:

AMOS 5:6

Nun nan duh ahcun Bawipa sinah ra u, Cu ti a si lo ahcun Josef kha mei bantukin a kangh lai, Bethel kha ahohmanh a hmihpiaktu um loin a kangh lai.

AMOS 5:8

Amah cu Likuk-canthum le Fizang kha a ser i, Muihnak kha zinglei ah a cantertu a si; Rili chung ti kha a auh hna i vawlei chungah a thlet hna;

LUKA 13:24

Jesuh nih a leh hna i, “Kutka bi chung khan lanh i zuam ko u, zeicahtiah hihi kan chimh hna: mi tampi cu luh an i zuam lai nain an lut kho lai lo.

LAMKALTU 2:18

Asi, ka salnu hna le ka salpa hna cung hmanh ah khan cu ni ah cun ka Thlarau kha ka bungh lai i bia an chim lai.

2 KORIN 9:10

Cun thlaici tuhtu thlaici a petu le ei awk rawl a petu Pathian nih cun nan herhmi thlaici vialte kha an pek hna lai, nan siannak chung khan theipar tampi chuahter awkah amah nih cun a ṭhanter lai.

JEIM 3:18

Cun daihnak sertu pawl nih daihnak in an tuhmi thlaici nih a thei a tlaimi cu ṭhatnak a si.