HEBRU 9:8 - Lai (Hakha) Common Language Bible 2006

⁸ Hi bantukin thil umtuning a simi kong hin Thiang Thlarau nih fiang tein a kan cawnpiakmi cu, lenglei thlam a um chung paoh kha cu Hmun Thiang Bik chung i va luhnak lam kha a awng rih lo, ti a si.

Laibaibal Thiang (BSI)

⁸ Thiang Thlarau nih a hngalhtermi cu, biakthlâm hmasa a dir chung pauh cu Hmun thiang Bik luhnâk lam kha a lang rih lo, timi hi a si.

HEBRU 9:8 Iomraidhean Croise

ISAIAH 63:11

Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

LUKA 1:80

Ngakchia cu a hung ṭhang i thlarau in a ṭhawngmi a si; Israel mi zapi sinah a hun i langh hlantiang, thetse ram ah cun a um.

JOHAN 10:7

Cucaah Jesuh nih annih cu a thawh ṭhan hna i, “Biatak kan chimh hna: Tuu luhnak kutka cu keimah hi ka si.

JOHAN 10:9

Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

LAMKALTU 28:25

Paul nih hi thil pakhat hi a chim hnuah anmah lakah khan lung i rual lo ngaiin an ṭian. Cu a chimmi cu hihi a si: “Thiang Thlarau nih profet Isaiah thawngin nan pupa hna sinah a chimmi bia cu a va hmaan thiam dah.

GALATI 3:8

Pathian nih Jentail mi cu zumhnak thawngin amah he a remter hna lai ti kha Cathiang nih a rak chimchung cang. Cucaah Cathiang nih Thawngṭha cu Abraham kha a rak chimh chung cang i, “Nangmah thawng hin Pathian nih vawleicung mi vialte kha thluachuah a pek hna lai,” a rak ti.

EFESA 2:18

Cucaah kan dihlak in, Judah mi he Jentail mi he, cu Thlarau pakhat thawng cun Pathian hmaika ah kan lut kho.

HEBRU 10:15

Cun Thiang Thlarau zong nih tehte a khaannak kha a kan hngalhter. A hmasa bik ah,

HEBRU 3:7

Cucaah Thiang Thlarau nih a ti bantukin, “Nihin ah Pathian aw kha nan theih ahcun lungkhong in um hlah u;

HEBRU 9:3

Puanzar pahnihnak hnulei ah khan Hmun Thiang Bik timi hmun kha a um.

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.