HEBRU 9:28 - Lai (Hakha) Common Language Bible 2006

²⁸ Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

Laibaibal Thiang (BSI)

²⁸ cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.

HEBRU 9:28 Iomraidhean Croise

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

LEVITIKAS 10:17

“Zeicahdah sual thawinak cu hmunthiang chungah nan ei lo? A thiang bik thil mi zapi ṭhat lonak phortu ding i Bawipa hmai i remnak serpiaknak ca i mah cucu nannih kha pekmi a si ṭung!

ZEKHARIAH 14:5

Tlang hna karlak i nelrawn cu phih a si lai, zeicahtiah an karlak i horkuang thar cu Azal tiang a phan lai. Judah siangpahrang Uzziah chan ah lihnin nih a rak phih bantuk khan phih a si lai i Bawipa ka Pathian cu a mithiang vialte hna he khan an lang lai.

NAMBAR 18:1

Cucaah Bawipa nih Aaron cu a chawnh i, “Nangmah le na fapale hna le na phunhawi hna nih hmunthiang he a pehtlai in ṭhat lonak cu nan in lai; cun nangmah le na fapale hna nih tlangbawi nan sinak he aa pehtlai in ṭhat lonak cu nan in lai.

NAMBAR 18:23

Sihmanhsehlaw Levi mi nih tonnak thlam rian cu an ṭuan lai i palhnak a um ahcun anmah nih an in lai; nan tefa chin tiangin mah hihi nawlbia a si camcin lai; Israel mi hna lakah ro cu an ngei lai lo.

NAMBAR 7:33

khangh thawinak ca i cawtum no pakhat, tuukawng pakhat, tuufa a pa kum khat a timi pakhat,

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

JOHAN 14:3

Cun ka va kal lai i nan ca i ka va timh dih hnuah ka ra kir ṭhan lai i ka sinah kan lak hna lai, cun ka umnak ah nannih zong nan um ve lai.

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

ROM 3:25

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

ROM 5:15

Sihmanhsehlaw cu hna pahnih cu an i khat lo, zeicahtiah Pathian laksawng cu Adam sualnak bantuk kha a si lo. Kha mipa pakhat sualnak ruangah khan mi tampi an thi taktak ko. Sihmanhsehlaw kha pa ṭhat lonak nakkhan Pathian vel cu tam piin a ngan deuh i cu bantuk ṭhiamṭhiam cun mipa pakhat Jesuh Khrih vel thawngin mi tampi cungah a tlungmi Pathian laksawng cu a ngan deuh.

ROM 6:10

A inmi thihnak cu voi khat ah za lakin sualnak ruang i a thih kha a si; cun atu i a nunmi nunnak cu Pathian ca nunnak a si.

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

1 KORIN 1:7

thluachuahnak nan hmuh lomi pakhatte hmanh a um lo.

1 KORIN 15:54

Cun a rawk khomi nih a rawk kho lomi aa hruk i a thi khomi nih thih khawh lonak aa hruk tikah cun, Cathiang nih, “Thihnak cu hrawh a si cang, teinak cu a tling cang,” a timi kha a tling lai.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

2 THESALON 2:1

Kan Bawipa Jesuh Khrih a ratnak kong le hmunkhat i pumh kan si lainak kongah, ka u le ka nau hna,

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

HEBRU 10:10

Jesuh Khrih nih Pathian duhmi kha a tuah caah, voi khat ah za lak in amah a pum aa pekchanhnak thawng khan kannih cu kan sualnak in a kan thianh cang.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

HEBRU 7:27

Amah cu tlangbawi dang hna bantuk kha a si lo, amah sualnak caah siseh, midang sualnak caah siseh, ni fate in raithawinak tuah kha a herh lo. Amah le amah raithawinak i aa pek ah khan zungzal ca za in raithawinak pakhat a tuah.

HEBRU 9:25

Judah mi Tlang Bawi Ngan cu kum fate in Hmun Thiang Bik chungah khan sa thi he a lut lengmang. Sihmanhsehlaw Khrih cu amah le amah i thawi awkah voi tampi a luh a herh lo,

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

2 PETER 3:12

Pathian Ni nan hngah lioah hin cu bantuk cu nan si awk a si i cu Ni cu tuan deuh ah a phak khawh nakhnga fak piin nan i zuam awk a si. Cu Ni ah cun van vialte cu an kang dih lai i nika thlapa le arfi vialte hna cu, cu Ni linhnak thawng cun an ti dih lai.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

1JOHAN 3:5

Khrih cu minung sualnak lakpiak awkah a ra i a chungah sualnak zeihmanh a um lo ti kha nan hngalh.

JUDAS 1:21

Pathian dawtnak chungah khan um ko u. Cun kan Bawipa Jesuh Khrih nih zaang an fah hna ruang i zungzal nunnak an pek hna lai ni cu hngak ko u.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.