HEBRU 9:25 - Lai (Hakha) Common Language Bible 2006

²⁵ Judah mi Tlang Bawi Ngan cu kum fate in Hmun Thiang Bik chungah khan sa thi he a lut lengmang. Sihmanhsehlaw Khrih cu amah le amah i thawi awkah voi tampi a luh a herh lo,

Laibaibal Thiang (BSI)

²⁵ tlângbawi nganbik hna nih mah thisen zong a si lomi i put in kum chiarte Hmun Thiang bik i an rak luh bang khan, Anih cu Amah i pechan dingin a lut ṭhân ti lai lo;

HEBRU 9:25 Iomraidhean Croise

EXODUS 30:10

Kum khat ah voi khat in Aaron nih sual ngaihthiamnak thawinak kha a ki cungah hin a tuah lai. Sualnak ca le sual ngaihthiamnak ca i thawimi saram thisen khan Aaron nih hi biakṭheng caah hin ngaihthiamnak a hmuhpiak lai. Hmailei i a ra ding chan zongah hihi tuah hrimhrim awk a si lai. Hi biakṭheng cu a zarh hringhranmi biakṭheng a si, Bawipa sin i pekchanhmi biakṭheng a si.”

HEBRU 10:10

Jesuh Khrih nih Pathian duhmi kha a tuah caah, voi khat ah za lak in amah a pum aa pekchanhnak thawng khan kannih cu kan sualnak in a kan thianh cang.

HEBRU 10:19

Cucaah ka u le ka nau hna, Jesuh thihnak thawngin Hmun Thiang Bik chungah khan luhnak nawl kan ngei cang.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

HEBRU 9:2

Biaknak puan thlam kha an ser, a lenglei cu Hmun Thiang ti a si. Cu chungah cun meiinn, cabuai le Pathian sin hunhmi changreu kha an um.

HEBRU 9:26

cu ti tuah a herh a si ahcun, vawlei ser hramthawk in voi tam tuk a in cang hnga. Amah le amah raithawinak i aa hmannak thawngin sualnak kha a hloh khawh nakhnga chan vialte nih donghnak an phak dengmang caan ah hin voi khat ah za lak in a hung lang.

HEBRU 9:7

asinain chungchin thlam ah khan cun Tlangbawi Ngan lawng a lut kho i cu zong cu kum khat ah voi khat lawng a si. Thisen kha aa put i amah caah le mi nih hngalh loin an tuahmi sualnak caah Pathian sinah khan a pek.